Book Title: Sumainahchariyam
Author(s): Somprabhacharya, Ramniklal M Shah, Nagin J Shah
Publisher: Prakrit Text Society Ahmedabad
View full book text
________________
सुमइनाह-चरियं
५०५ एगूणपन्नासाए कुरूज्जाणं च । सामी चिरं चक्कवट्टि-भोए भुंजिस्सइ पियंकरो ।
अन्नया तित्थयर-पउत्ति-निउत्त-पुरिसा विनविस्संति तं-देव ! कुसुमसारुज्जाणे सयल-सुरासुरिंदविंद-वंदिज्जमाण-चलणारविंदो सिवंकरो अरहा समोसढो । तेसिं तोसभर-निब्भरो चक्की अद्ध-तेरसकोडीओ तुहिदाणं दाऊण सपरिवारो जिणिंद-वंदणत्थं वच्चिही ।
नमिऊण तित्थनाहं पुरो निसनो य पुच्छिही चक्की । चक्वित्तं कह पत्तं कहं च मे वल्लहो मंती ? ||३५१२|| तो जिणवरो कहिस्सइ तुमए कीरीजुएण कारण । विहिया जिणिंद-पूया इच्चाई पुव्वभव-चरियं ||३५१३|| किञ्च, पुव्वं पुल-दुमो दुवेहिं वविओ तुब्भेहिं काऊण जं, पूयं तित्थयरस्स चूय-कुसुमुक्केरेण कीरत्तणे । तरसेमं कुसुमं नरामर-सुहं चक्वित्त-मंतिस्सिरी, पजलंतं लहिउं लहिस्सह धुवं निव्वाण-सुखं फलं ||३५१४।। तयणु जिण-समीवे चक्कवट्टी खणेणं, विसयसुह-विरत्तो पुत्त-निविखत्त-रज्जो । सह निय-सचिवेणं गिहिउं साह-दिक्खं, गलिय-सयल-पावो पाविही मोक्ख-सोक्खं ||३५१५।। इय भूय-भाव-चरियं निययं निहिकुंडलो सह पियाए । सोऊण विसय-विमुहो निय-सुय-संठविय-रज्जभरो ||३५१६|| सुमइ-जिण-चलण-मूले गिण्हइ दिक्खं भवुक्खणण-दक्खं । कय-तिव्व-तवो समए मरिउं सोहम्ममणुपत्तो ||३५१७।। तत्तो साकेयाओ पुराओ अन्नत्थ विहरिओ भयवं । तियस-कय-कणय-कमलेसु नवसु संठविय-कम-कमलो ||३५१८।। सव्वत्तो पसरिय-गुरु-कसाय-दावानलेण डज्झतं । भुवणं वणं व निव्वइ-वयण-धाराहि मेहो व्व ॥३५११|| एगेण दाहिणेणं करेण वरदो परेण सत्तिधरो । वामेण गाणगेयं पासं अवरेण वहमाणो ||३६००।।
Jain Education International
For Private & Personal Use Only
www.jainelibrary.org
Page Navigation
1 ... 528 529 530 531 532 533 534 535 536 537 538 539 540