Book Title: Sumainahchariyam
Author(s): Somprabhacharya, Ramniklal M Shah, Nagin J Shah
Publisher: Prakrit Text Society Ahmedabad
View full book text
________________
४१२
सिरिसोमप्पहसूरि-विरइयं जं दक्वड किं पि समक्खमेमि, निंदामि सव्वं पि अहं तमिण्हेिं ||३५१७।। जं एत्थ मिच्छत्त-विमोहिएण, मए भमंतेण कयं कृतित्थं । मणेण वायाइ" कलेवरेणं, निंदामि सव्वं पि अहं तमिण्हेिं ।।३५१८।। पच्छाईओ जं जिणधम्म-मग्गो, मए कुमग्गो पयडीकओ जं । जाओ अहं जं पर-पावहेऊ, निंदामि सव्वं पि अहं तमिण्डिं ||३५११।। जंताणि जं जंतुवहावहाई, हलुक्खलाईणि मए कयाइं । जं पोसियं पाव-कुंटुंबयं च, निंदामि सव्वं पि अहं तमिण्हेिं ||३५२०।। जिणभवण-बिब-पुत्थय-संघ-सरूवाए सत्त-खित्तीए । जं ववियं धण-बीयं तमहं अणुमोयए सुकयं" ||३५२१।। जं सुद्ध-नाण-दंसण-चरणाइं भवन्न-वप्पवहणाई । आराहियाइं सम्मं तमहं अणुमोयए सुकयं ||३५२२।। जिण-सिद्ध-सूरि-उवज्झाय-साहु-साहम्मिय-पवयणेसु । जं विहिओ बहुमाणो तमहं अणुमोयए सुकयं ||३५२३।। सामाइय-चउवीसत्थयाई आवस्सयम्मि छब्भए । जं उज्जमियं सम्मं तमहं अणुमोयए सुकयं ||३५२४|| पुवकय-पुन्न-पावाण सुक्ख-दुक्खाण कारणं लोए । न य अन्नो को वि जणो इय मुणिय कुणसु सुहभावं ||३५२५।। पुव्वं दुच्चिन्नाणं कम्माणं वेइयाण जं मोक्खा । न पुणो अवेइयाणं इय मुणिउं कुणसु सुहभावं ||३५२६।। जं तुमए नरए नारएण दुक्खं तितिक्खियं तिक्खं । तत्तो कत्तियमेत्तं इय मुणिउं कुणसु सुहभावं ||३५२७।।
Jain Education International
For Private & Personal Use Only
www.jainelibrary.org
Page Navigation
1 ... 515 516 517 518 519 520 521 522 523 524 525 526 527 528 529 530 531 532 533 534 535 536 537 538 539 540