Sumainahchariyam

Author(s): Somprabhacharya, Ramniklal M Shah, Nagin J Shah
Publisher: Prakrit Text Society Ahmedabad

Page 480

४५५
धम्मवण - जलण-जाला मोह-महा-मयगला गलण-साला । कुगइ-वहू-वरमाला माया सुहमइ - हरण - हाला ||३१४९।। अविवेय - रायहाणी माया मण-तणु- समुत्थ- दुह - खाणी । कित्ति - कयली - किवाणी करुणा-कमलिणिवण हिमाणी ॥ ३१५० ।। माया- परिणामपरा परवंचणमायरंति जे मूढा । ते वंचयंति सग्गाऽपवग्ग- सुक्खाणमप्पाणं ||३१५१||
थेवक कवडपरो निबिडं निवडंतमावयालक्खं । पिक्खड़ न सिरे लगुडं पयं पिबंतो बिडालो व्व ।। ३१५२ ।। उदयं लहंति लीलाए अणुसरता सरं व सरलत्तं । खिज्जंति निद्दयं पुण कवडं अवडं व सेवंता ||३१५३|| धणलव-लुद्धा कवडेण मुदजण- विप्पयारण-प्पहाणा । पावंति पावमइणो संखो व्व असंख - दुखाइं ||३१५४|| तहाहि
सुमइनाह-चरियं
[६. मायायामनिग्रहनिग्रहयो : शंख-कथा]
इत्थेव भरहवासे विस्सपुरं नयरमत्थि वित्थिन्नं । मेरुतणय व्व रेहंति जत्थ सोवन्न-पासाया ||३१५५ ।। कंपिल्लो तत्थ दिओ नंदा से भारिया सुओ ताण । संखो व्व कुडिल - हियओ संखो नीसंख - दोस - हिं ।। ३१५६ ||
-
सो बालगो चेव मायावी तेहिं तेहिं पयारेहिं परवंचणेक्क- चित्तो पत्तो जोव्वणं । किंपि धाउव्वायाइ- पओगं सिविखऊण भमंतो गओ गयउरं । दिट्ठोऽणेण तत्थ चंदण वणिओ, भणिओ य-भद्द ! इमिणा वाणिज्जकिलेसेण बहुणा वि न होइ दालिद्दच्छेओ । जइ पुण मह वयणे पयट्टसि ता अलं किलेसेणेव तुमं महिडिओ होसि । चंदणेण वुत्तं- जं तुमं आणवेसि तं करेमि । संखेण वृत्तं - अत्थि मे सुवन्न-सिद्धी, ता पच्चयत्थं आणेसु एक्कं सुवन्न-गदियाणयं जेण तं दुगुणं काऊण दंसेमि । आणिओ अणेण सो । कया सामग्गी । संखेणाऽवि हत्थ - लाघवेण