Sumainahchariyam

Author(s): Somprabhacharya, Ramniklal M Shah, Nagin J Shah
Publisher: Prakrit Text Society Ahmedabad

Page 512

सुमइनाह - चरियं
पच्चक्खाणं पयडेज्ज ताण पासे सुणिज्ज सिर्द्धतं । तत्तो करेज्ज वित्तिं गिहागओ धम्म- अविरुद्धं ॥ ३४४८ ।। मज्झण्हे पुण काउं जियपूयं अतिहिसंविभाग - वयं । फासेज्ज तासु एसणिय असण- दाणेण साहूण ||३४४९|| पंचनमोक्कारं सुमरिऊण निरवज्ज-भोयणं कुज्जा । कुसलेहिं समं सम्मं सत्थ-रहस्सं वियारिज्जा || ३४५०|| संझाए पुणरवि चेईयाइं संपूईऊण वंदिज्जा । विहियावस्सय कम्मो करेज्ज सज्झायमेगमणी || ३४५१ || समयम्मि पंचपरमेहि-मंत सुमरण-परायणो निद्दं । थेवं सेवेज्ज अबंभचेर - परिवज्जओ पायं ||३४५२|| चम्महि-मंस-वस-मज्ज-सुक्क सोणिय पुरीस-मुत्त-हरं । जुवइ - सरीर-सरुवं निद्दा- विगमे वि चिंतिज्जा ||३४५३ || बालत्तणओ वि पवन्न - बंभचेराण विजिय-मयणाण | वज्जिय- महिलाणं महरिसीण सीलं सलाहिजा ||३४५४||
दोसेण जेण जेणेस जिप्पए तरस तस्स पडियारं । चिंतेज्ज कयपमोओ मुणीसु तद्दोसमुक्केसु || ३४५५|| तहा,
—
अरिहंतो च्चिय देवो मुणिणो च्चिय सीलसंगया गुरुणी । जीवदय च्चिय धम्मो जम्मे जम्मे मह हवेज्न ||३४५६ || सम्मत्त - पवित्त-मणो हवेज्ज चेडो वि तह दरिद्दी वि । मिच्छत्त छन्न- मई मा राया चक्कवट्टी वि ||३४५७||
-
को सो हवेज्ज दियहो जम्मि अहं सव्व-संग- परिहारं । काउं पडिवज्जिस्सं गुरु- पयमूलम्मि पव्वज्जं ? ।। ३४५८ ।। कईया दुवालसंग गिहिस्समहं गुरूण वयणाओ । कमलाओ महुयरं महुयरो व्व मयरंद - संदोहं ? ।। ३४५९ ।। दुव्वयणाइं सुणंतो घरे घरे फुरिय- असम-पसम-रसो । भिक्खागओ सहिस्सं बावीस परीसहे कईया ? || ३४६०|| बाहु व्व कया काहं उवग्गहं भत्त- पाण- दाणेण ? | साहूण कया वीसामणं च काउं सुबाहु व्व ? ||३४६१||
४८७