Sumainahchariyam

Author(s): Somprabhacharya, Ramniklal M Shah, Nagin J Shah
Publisher: Prakrit Text Society Ahmedabad

Page 492

४६७
सुमइनाह-चरियं
भणियं मए- अहं पुण कत्थ गमिस्सामि ? सामिणा भणियं- । अहविह-कम्म-मुक्तो तुमं गमिस्ससि पयं परमं ||३११८।। तो संविग्गेण मए काऊण समग्गमुचिय-करणिज्जं । परलोग-हिया गहिया गुरु-पयमूलम्मेि पव्वज्जा ||३१११।। तं एयं संजायं निव्वेय-विसेस-कारणं मज्झ । गुरु-चरियमिणं सोउं सव्वे संवेगमावला ||३२००।। तो मालिगेण भगवं निय-नंदण-कलह-कारणं पुढो । कहियं च तेण निहि-दसणेण सव्वे वि पडिबुद्धा ||३२०१।। भणियं अणेहिं - भयवं । किं जुत्तं अम्ह ? भगवया वुत्तं-| सव्वाणत्थनिबंधण-लोभच्चागेण धम्मो त्ति ||३२०२।। एयं सोउं सुगुरु-वयणं मालिगो पुत्तजुत्तो, लोभच्चायावहिय-हियओ गिण्हए सावगत्तं । ते उज्जुत्ता जिणमुणिगणाराहणे जीवियंते, जाया सव्वे पवर-विबुहा बंभलोयम्मि कप्पे ||३२०३।। मुक्क-कसाय-चउक्को वि पंच-परमेहि-सुमरणं मणुओ । जो कुणइ भत्तिमंतो पावइ सो चेव कल्लाणं ||३२०४।। तेसिं न प्पहवंति भूय-पमुहा सक्वंति सीहाइणो, काउं किंपि न विप्पियं पहरिउं पच्चत्थिणो न क्खमा । संपज्जंति न वाहिणो दवजलुप्पीला न दाउं दुहं । दक्खा जे परमिहि-मंतमणिसं झायंति सुद्धासया ||३२०५।। पंच-परमेट्ठि-पंचाणणरस संभरणमेत्तओ चोज्जं । पंचत्तं जंति दुरओ दुरिय-दोघट्ट-थट्टाई ||३२०६।। निवडंति आवया-निवह-भीसणं भवसमुद्दमुद्दामं । सोसइ न परो परमेडिमंत-वडवानलं मुत्तुं ||३२०७।। मुत्तूण खविय-नीसेस-पाव-संगं दुवालसंगं पि । सरइ परमेहि-मंतं चोद्दसपुवी वि पज्जते ||३२०८।। पंच-परमेहि-मंतं सरमाणो माणवो मणे निच्चं । नर-सुर-मोक्ख-सुहाई पावेइ पुलिंद-मिहुणं व ||३२०१।।