Shrut Ratna Ratnakar

Author(s): Pradyumnavijay
Publisher: Syadwad Prakashan Mandir Trust

Page 134

121 भवभावना भंजंति अंगुवंगाणि ऊरू बाहू सिराणि करचरणे / कप्पंति. खंडखंडं उवरुद्दा निरयवासीणं // 108 // मीरासु सुंठिएसुं कंडूसु य पयणगेसु कुम्मीसु / लोहिसु य पलवंते पयंति काला उ नेरइए // 109 // छेत्तूण सीहपुच्छागिईणि तह कागिणिप्पमाणाणि / खावंति मंसखंडाणि नारए तत्थ महकाला // 110 // हत्थे पाए ऊरू बाहु सिरा तह य अंगुवंगाणि / छिदंति असी असिमाइएहिं निच्चपि निरयाणं // 111 // पत्तधणुनिरयपाला असिपत्तवणं विउव्वियं काउं / दंसंति तत्थ छायाहिलासिणो जंति नेरतिया // 112 // तो पवणचलित-तरुनिवडिएहिं असिमाइएहि किर तेसिं / कण्णोढनासकर-चरणऊरूमाइणि छिदंति // 113 // कुंभेसु पयणगेसु य सुंठेसु य कंदुलोहिकुम्भी / कुम्मीओ नारए उक्कलंततेल्लाइसु तलंति // 114 // तड़यडरवफुटुंते चणयव्व कयंबवाळुया नियरे / भुंजंति नारए तह वालुयनामा निरयपाला // 115 // वसुपूयरुहिरकेसट्ठिवाहिणि कलयलंतजउसोत्तं / " वेयरणिं नाम नइं अइखारसिणं विउब्वेउं // 116 // वेयरणि नरयपाला तत्थ पवाहंति नारए दुहिए। आरो ितहिं पिहु तत्ताए लोहनावाए // 117 // नेरइए चेव परोप्परंपि परसूहिं तच्छ्यति दढं / . करवत्तेहि य फाडंति निद्दयं मज्झमझेण // 118 //