________________
૪૭ | પ્રાણથી પણ અમૂલ્ય આ ખજાનો છે !
પ્રત્યેક વ્યક્તિએ પોતાના ભીતરનું સૌથી મોટું દુઃખ ચિઠ્ઠીમાં લખ્યું. વિધાતાએ આવીને આ ચિઠ્ઠીઓ ઉઘાડી અને બોલી, “જિંદગીભર તમે જેની ખ્વાહેશ રાખી હોય તે તમને મળશે. તમે એ વસ્તુ મેળવવા આમાંથી ચિઠ્ઠી ઉપાડો. તમારી ઇચ્છા પૂર્ણ થતાં તમારા જીવનમાં સુખની પરિતૃપ્તિ થશે.”
દરેકે જૂનું દુઃખ મૂકી દીધું અને નવું સુખ લીધું. નિસંતાનને સંતાન થયાં, પરંતુ હવે સંતાનના પ્રશ્નો પીડવા લાગ્યા. કોઈને ચપટું નાક સીધું થયું, પરંતુ એની એ સુંદરતાને વખાણનારા કોઈ ન મળ્યા. કોઈને સારી નોકરી મળી, પરંતુ નોકરીની વ્યસ્તતાને કારણે થયેલા રોગો એને ઘેરી વળ્યા.
આમ જે નવી પ્રાપ્તિ થઈ તે નવું દુ:ખ લઈને આવી કોઈ સુખી ન થયું બલકે સહુ નવા દુ:ખે દુ:ખી થયા. ફરી પાછા લમણે હાથ મૂકીને વિધાતાને દોષ આપવા લાગ્યા.
ભગવાન બુદ્ધનું જન્મસ્થાન અને એમની જન્મભૂમિ જોવાની પ્રબળ ઇચ્છાથી યુઅન શ્વાંગ ભારતના પ્રવાસે નીકળ્યો. ચોવીસ વર્ષના આ યુવકને ચીનના સમ્રાટે આ પ્રવાસ માટે મંજૂરી આપી નહિ, તો તે લપાતો-છુપાતો ઈ. સ. ૯૨૯માં ભારતના પ્રવાસે નીકળી પડ્યો.
રસ્તામાં એણે પારાવાર મુશ્કેલીઓનો સામનો કર્યો. માર્ગમાં એનો ઘોડો મૃત્યુ પામ્યો. ગોબીના રણમાં તીરથી માંડ બચ્યો. આવી કેટલીય મુશ્કેલીઓ સહન કરીને એ ભારત પહોંચ્યો.
ભારતની પ્રસિદ્ધ નાલંદા વિદ્યાપીઠમાં રહીને એણે છ વર્ષ સુધી અધ્યયન કર્યું અને સાથોસાથ કેટલાક મહાન ગ્રંથો પણ ખરીદ્યા. સોળ વર્ષ સુધી ભારતનું ભ્રમણ કરીને એ ચીન પાછો જવા માટે નીકળ્યો.
ભારતમાંથી છસ્સો ને સત્તાવન જેટલા હસ્તલિખિત ગ્રંથો, થોડીક મૂર્તિઓ અને ભગવાન બુદ્ધના અવશેષો લઈને એ સ્વદેશ પાછો ફરતો હતો, ત્યારે ચીનથી અભ્યાસ માટે આવેલા પંદર વિદ્યાર્થીઓ પણ એની સાથે થયા. આ વિદ્યાર્થીઓને યુઅન શ્વાંગની સાથે જવામાં જ્ઞાનપ્રાપ્તિનો વર્ણો મોટો લાભ દેખાય.
એવામાં રસ્તામાં નદી આવી. એમણે એક હોડી ભાડે કરી, પરંતુ હોડી મઝધારમાં પહોંચી અને મુસાફરોના ભારથી ડોલવા લાગી.
94 1 શ્રદ્ધાનાં સુમન
શ્રદ્ધાનાં સુમન D 95
