Book Title: Shatavdhani Dhirajlal Shah Jivan Darshan
Author(s): Shantikumar J Bhatt, Ramanlal C Shah and others
Publisher: Dhirajlal Shah Sanman Samiti
View full book text
________________
જીવન-દર્શન મેં અનુભવથી જોયું કે તેઓ કંઈપણ કાર્યની જવાબદારી લેતાં પહેલાં ઘણો વિચાર કરે છે, પણ લીધા પછી તેમાં ખૂબ જ તન્મય બની જાય છે અને તેની નાનામાં નાની વિગતે પર પણ પૂરતે વિચાર કરે છે, એટલે તેમણે લીધેલું કાર્ય સફલતાથી પાર પડે છે.
અષ્ટગ્રહની યુતિ વખતે અમે ગોડીજીમાં ચાતુર્માસ હતા. તે વખતે મને “શ્રી વિશ્વશાંતિ જૈન આરાધના સવ' ઉજવવાનો વિચાર થયે. પૂજ્ય ગુરુદેવને વાત કરતાં તેમની સંમતિ પ્રાપ્ત થઈ અને મેં પંડિત શ્રી ધીરજલાલભાઈને યાદ કર્યા. તેમની સાથે કાર્યક્રમની વિગતવાર ચર્ચા કરી. મારે કહેવું જોઈએ કે આવી બાબતમાં તેમની સૂઝ ઘણું ઊંડી હોય છે અને તેથી જ તેઓ આવા કાર્યક્રમ તથા સમારોહ આદિનું સફળ આયોજન કરી શકે છે.
અમારા બંને વચ્ચે સુખદ બાબત એ છે કે કેટલાક વિચારે, અને કાર્યસુઝ વચ્ચે ઘણુ નિકટતમ સામ્ય પ્રર્વતે છે અને એથી જ અમે ઝડપી નિર્ણ લઈ શકીએ છીએ અને તેને અમલમાં પણ જલદી મૂકી શકીએ છીએ.
આ સમારે માટે ત્રણ મંત્રીઓની નિમણુક થઈ, પણ ખરે ભાર તે તેમને જે ઉપાડવાનો હતો અને તે તેમણે રાત્રિ-દિવસ જોયા વિના ઉપાડ હતે. દશ દિવસના આ અભૂતપૂર્વ કાર્યક્રમમાં તેમની બુદ્ધિ અનેક વાર કસોટીએ ચડી' હતી, છતાં તેમાં તેઓ પાર ઉતર્યા હતા. આ પ્રસંગથી તેમની આજનશક્તિ માટે મારું મમત્વ અનેકગણું વધી ગયું.
ત્યાર પછી “રાષ્ટ્રીય અહિંસા પ્રચાર સમિતિ નું કાર્ય શરૂ થયું, તેમાં પણ તેઓ મંત્રી હતા અને તેઓ જાતે દિલ્હી જઈ ગુલઝારીલાલ નંદાનું નક્કી કરી લાવ્યા હતા. તે અંગે જુદા જુદા સ્થળે કેટલીક સભાઓ થઈ, તેમાં તેમનું વક્તવ્ય ઘણું અસરકારક રહ્યું. શ્રી ગુલઝારીલાલ નંદા મુંબઈ આવી જતાં મારે તેમને મળવાનું બન્યું, ત્યારે શ્રી ધીરજલાલભાઈ મારી સાથે હતા. અમે તે વખતે દેવનાર કતલખાના અને અહિંસાની રાષ્ટ્રીય નીતિ અંગે વાત કરી હતી અને બીજી પણ કેટલીક પ્રાસંગિક વાતે થઈ હતી.
ગેડીજીમાં ગુલઝારીલાલ નંદાને ૧૭ લાખનું સુવર્ણ દાન આપવાને ભવ્ય પ્રસંગ ઉજવાય, ત્યારે તેમણે ખડા પગે કામ કર્યું હતું.
આવા તો નાનામોટા ઘણયે પ્રસંગ છે, જ્યારે તેમની કુશાગ્ર બુદ્ધિ અને કર્તવ્યનિષ્ઠાનો પૂરેપૂરો પરિચય થયેલ છે. તે બધાને અહીં ઉલ્લેખ કરવાની જરૂર નથી, પરંતુ ગઈ સાલ “તીર્થકર ભગવાન મહાવીરનું જે પ્રકાશન થયું, તેમાં તેમણે કે ભાગ ભજવ્યું હતું, તે હું જણાવવા ઈચ્છું છું.
