Sambodhi 1975 Vol 04

Author(s): Dalsukh Malvania, H C Bhayani
Publisher: L D Indology Ahmedabad

Page 397

.
तरंगलोला
अयं पि तत्थ दुहिया सोग-भरक्कंत हियय-दुक्खत्ता । जेमाविया स-सवहं अम्माए वरण्ड-कालम्मि ॥४३८ मज्जण-जेमण-मंडण-पमोय-संभाय-वइयर-विसेसे । साहति य विलयाओ उज्जाणाओ नियत्ताओ ॥४३९ सायर-रंग-परंगिय-तलम्मि सयणम्मि में असरणाए । निहा-बु(तु!) च्छच्छीए किच्छेण अइच्छिया रत्ती ॥४४० पुरिस-सया किर कल्लं ममं वरेउ उट्टिया तायं । जे मयण-वाण-विद्धा दतॄण ममं गुरू तेसिं ॥४४१ ते य किर असरिसे मे सील-व्यय-नियम-पोसह-गुणेहिं । ललिया वि अत्यइत्ता पडिसिद्धा सेटिणी सव्वे ।।४४२ तस्स कहा-गुण-कित्तण-पसंग-परिवत्तिओ पुणो बहुसो । अच्छीसु ओरिज्जइ पाणिय-रूवो महं सो उ ॥४४३ धणियमणुसंभर ती ए मझ तं पुव्व-देह संबंध । सा कुद्धा य रुढा(?) भोयण-सद्धा परद्धा मे ॥४४४ मज्जामि पसाहेमि य अकामा(?) मे विसं व तं घरिणि । गुरुयण-परियण-चित्त-परिरक्खणत्था दुहट्टा वि ।।४४५ खणमचि नहु जीवेज्जा तेण विणा तस्स लंभ(?)-परिहीणा । जीविय कल्लोला मे मणोरह-मया जइ न होज्जा ॥४४६ बाहइ मं उउ-चंडो बम्भह-कंडो पकाम हिंडणओ । सुहिय-जण-निव्वुइ करो सत्तच्छय-गंधिओ वाओ ॥४४७ तिमिर-पडिनासयाणं खणमवि मयण-सर-सण्णिवायाणं । न चएमि ठाइउ जे आवाए चंद-पायाणं ॥४४८ कुमुय-वा-अमय-बुट्ठी मंदर-चट्ठी पगाम(?)-परितुट्ठी ।। तह सीयला वि जोण्हा उपहा विव मे डहइ अंगं ॥४४९ पंचविह इंदियत्था इट्टा विसय-सुह-निव्वुइ-करा मे । ते पिययमेण रहिया य घरिणि सोयं उईरंति ।।४५० सब्य-मणोरह-संपूरयं व संकप्पियं मए तत्थ । तस्स समागम-हेउ विहियं आयंबिल?-सयं ॥४५१ सव्व-दुह-विणासणयं पभवं च सव्व-सोक्खाणं । अणुमण्णई य गुरु-यणो तं मज्झ वयं अणुणयंतो ॥४५२ आयंबिल-वय-करणेण दुब्बलं सयण-परियणो मझं । जाणइ न हु मं जाणइ बम्मह-सर-सोसियं तणुइं ॥४५३