Sambodhi 1975 Vol 04

Author(s): Dalsukh Malvania, H C Bhayani
Publisher: L D Indology Ahmedabad

Page 419

७८
तरंगलेला
परिवारेऊण जणं ते य घरं (?) मंदिरं पयर्टेति । कुल-पच्चय-जाणग-कारणेण अयं पि गच्छामि ।। ६२१ तत्थ य तुंगमुदारं भूमि गय-विमाण-पुंडरीय-समं । पासाय-वडेस-वरं सवयंसो सो अईसीय ॥ ६२२ तस्स पिउ-माइ-पयती-नामं च कमेण सुद्छु नाऊण । निप्फण्ण-पेसणा हं तत्तो तुरिय पडिनियत्ता ॥ ६२३ जायं च रित्त-पेरंत देस-नट्ठ-गह-तार-नक्खत्तं । अवं (आयासं!) गय-सासं अवचिय-कुमुयं(?) पिव तलायं ।। ६२४ उइओ बंधुवजीवय-जासुमणो-कुसुम-केसुय-सवण्णा । सूरो गयण-तुरंगो परियंको(?) जीव-लायस्स ॥ ६२५ अहयं च इहं पत्ता पिय-चयण निवेदणुस्सुया तुझं । सूरेण कणइयाओ य सुयणु चत्तारि वि दिसाओ ॥ ६२६ एयं जहाणुभूयं कहियं ते तस्स देसणं सुयणु । पत्तिय सवामि हु अहं तुज्झ पाय-प्पसाएणं ॥ ६२७
इय तीए सिट्ठ-मेत्ते घरिणी तं चेडियं अहं बेमि । तस्स पिउ-माइ-पगति-नामं च कहेहि तं मज्झं ॥ ६२८ तो भणइ एय भणिया सारसिया सुयणु सामिणी एय (!)। सो जस्स बालओ बाल-चंद-पिय-दसणो बालो ॥ ६२९ ववहारेहि समंता निस्सारो सागरो कओ जेणं । पुहई य रयण-रहिया पत्थर-सेसो य हिमवंतो ॥ ६३० जस्स सभाहि पवाहि य आराम-तलाय-वावि-कूवेहिं । इह देसे अण्णत्थ य स-जणवया मंडिया वसुहा ॥ ६३१ कुल सील-पच्चय-गुणेहिं(?) नामं च समुस्सियं फुडं जस्स । धणदेवो त्ति पहिंडइ सागर-वर-मेहलं वसुहं ।। ६३२ अपवाहस्स रिपूर्ण तस्स कुल-जसावहस्स वीरस्स । नाणा-गुण-संवाहस्स सत्थवाहस्स सो पुत्तो ॥ ६३३ रूवेण कामदेवो नायगो एण (?) अत्थेण (?) । हिट्ठो य निच्च-ललिओ(?)सुयणु पउमदेवो त्ति से नामं ॥ ६३४ चेडीए वयण-कमलं पलोवियं पेम्म-रस-पिवासाए । वयणामयं मए तं पीयं कण्णंजलि-पुडेहिं ।। ६३५ अव्वीकणे(?) य अहं सारसियाए भणामि धण्णेत्थ । जं ते रमणो दिट्ठो जं च सुया तस्स ते वाया ॥ ६३६