Sambodhi 1975 Vol 04

Author(s): Dalsukh Malvania, H C Bhayani
Publisher: L D Indology Ahmedabad

Page 415

तरंगलोला
अणुयत्तण-पत्तट्टे पेम्म-गुण-पडाइए कह सुयणु । मज्झं निच्च-बहुंमए हा मज्झकिए इह मया सि ॥ ५८७ सो एव विलवमाणा अंसु-किलिण्ण-वयणो विगय-लज्जो । दुक्खाहिं चत्त नियय-घस्सयमच्चंत-सव्वंगो (?) ।। ५८८ हा कह किं णु भुल्लो सि जंपमाणेहि तेहिं मित्तेहिं । मा एरिसाणि जंप त्ति भणिय नित्तजिओ भणइ ।। ५८९ भो मित्ता न वि भुल्लो कि खु पलबसि त्ति तेहि सो मणिओ। तो भणइ एह सुणह य धरह रहस्सं इमं मज्झं ॥ ५९० जं चक्कवाय-सिंगारापगरणं एत्थ पट्टएं लिहियं । तं चक्कवाय-जाई-गएण सव्वं मए पत्तं ॥ ५९१ कह ते एयं पत्तं ति पुच्छिओ तेहिं पिय-वयंसेहिं । जाईसरो त्ति विम्हिय-मुहेहि सम्मुह-निविटूठेहि ॥ ५९२ जं च ते मइ (? तए मह?) कहियं सो अणुभूयमप्पणो तेसि । साही य रोयमाणो ते चेव गुणे विकथेतो ॥ ५९३ तइया य वाह-कंड-पहार-पडिसिद्ध-जीविओ संतो। तीसे नवरि मयाए जपवा(?) चक्कवाईए । ५९४ दठूण चित्त-पट्टे ममं अणुगयं तहिं सिणेहेण । सोगो हियय-वणदवो सुठुतरं मे समुज्जलिओ ॥ ५९५ ता राग-वण-समुट्ठियएणं पिय-विप्पओग-कलुणेण । दुक्खण झूरिय-मणो किह व नयाणामि है पडिओ ॥ ५९६ एयं जहाणुभूयं सव्वं कहिय मए समासेण । चित्तालोयण-संभारिएण (?) भारियं दुक्खं ।। ५९७ आरूढा मि पइण्णं न मए अण्ण-महिला मणेणं पि । पत्थियव्वा (?) तीसे अणुपालण-कारण-कएणं ॥ ५९८ जइ मे कहिंचि वि होज्ज तीय सह समागमो वरतणूए । तो नवरि काम-भागे माणुस्से हं अभिलसेज्जा ॥ ५९९ पुच्छह अवेह वच्चह केण इमो चित्तपट्टओ लिहिओ । नूणं पच्छपत्तित्ता (?) हाही तीसे न संदेहो ॥ ६०० सयमप्पणो य लिहियं लच्छस्स व(?) दंसियं इमं तीए । जाणामि अभिण्णाणेहि (?) न लिहेज्ज तं आमा (!) ॥ ६०१ जं पुवं अणुभूयं तीए समं मे तया सउण-भावे । तं न चएज्ज अण्णा लिहिउं तीए विणावस्सं ॥ ६०२