Paiakaha Sangaha

Author(s): Manvijay, Kantivijay
Publisher: Vijaydansuri Jain Granthmala

Page 55

|| ३५ || सिरिमहिवालनराहिवमहलच्छीए न किं पि कुणिउमहं । जिणधम्मपुन्नभाना सावय ! सक्केमि कहयावि ॥ ३६ ॥ नवकारपहावेणं तुज्झ वि काउं न किंपि पारेमि । ता वरसु वरं सिग्घं ? देवाण न दंसणं विहलं ॥ ३७ ॥ अजप्पभिई लोओ न हणेयो फले विगहियंमि । इय मह वियरसु भणिए आमं ति पयंपियं तेण ॥ ३८ ॥ तं गहिय निवइहत्थे समप्पियं कहिय सङ्घवृत्तंतं । एयं मुणिउं लोएण ऊसवो एस अज कओ ||३९|| कहियं कुमर ! मए तुह जं न मओ तत्थ कारणं एयं । अह सो वि भणइ मज्झं सिट्टि ! तुमं देसु तं मतं ॥ ४० ॥ जस्स पहावा देवा वि हुंति वसवत्तिणो इद्द जणाण । सिट्ठी भणेह मंत गुरुणो च्चिय देंति न हु अन्नो ॥ ४१ ॥ ता अस्थि संतिसूरी इत्थ गुरू गच्छ ताण पासंमि । सो पत्तो गुरुपासे नमिऊणं मग्गिओ मंतो ॥ ४२ ॥ भणियं गुरुर्हि जिणगुरुसुतत्तसम्मतसंजुओ एसो । वंछियफलं पयच्छइ सविसेसं जिणमयजुयाणं ॥ ४३॥ संमत्तं गहिऊणं नवकारं गिण्हए तओ कुमरो । सवं पि विहिं पुच्छइ भतिन्भरनमिय सिरकमलो ॥ ४४ ॥ कहियं गुरूहिं जिणवरपडिमाण तिकालपूयणं काउं । अत्तरसयवारं जावो एयस्स कायो ॥ ४५ ॥ छम्मासछद्दिणाई जाव तओ अक्खराण संखाए । कायat चित्तवो उपवासई (साइ) निययसत्तीए ॥ ४६ ॥ दियहाई अट्ठसट्ठी पयपअंते कुणित पारणयं । तत्तो -कयउज्जमणो लोयाण मणिच्छियं देइ ॥ ४७ ॥ वसिकरणसमुच्चाडणरूवपरावत नहपहपयाणं । लच्छि तणयं रज्जं एसो साहेइ सर्व्वं पि ॥ ४८ ॥ कुमरो कयप्पणामो पत्तो गेहंमि धम्मकयचित्तो । परिमाणं पूयाई कुणेड़ मंतस्स तह ज्झाणं ॥ ४९ ॥ छम्मासं जाव तओ सुद्धमणो अट्ठसट्ठिदियहाई । पयपजंते पारणपुढं अंबिलतवं कुणइ ॥ ५० ॥ गुरुकहियविहाणेणं उज्जमणे संघपूयणं काउं । जिणपडिमाए ण्हवणं विलेवणं अच्चणं तह य ॥ ५१ ॥ कणयविणिम्मियनवकारवन्नरुप्पमयपट्टियं एगं ।