Paiakaha Sangaha

Author(s): Manvijay, Kantivijay
Publisher: Vijaydansuri Jain Granthmala

Page 63

बलिउं गओ निए नयरे । तं सवं पि हु कहिअं कुमरीजुत्तस्स महिवइणो ॥ ४४ ॥ कुमरीए निवो भणिओ तुम्हारसेण जामि तत्थ अहं । पिक्खेऊण सयं पि हु सिग्धं इह आगमिस्सामि ॥ ४५ ॥ मंतिजुयं नरनाहो उजेणिं पेसए तओ कुमरिं । सा पत्ता वेगेणं अकंदे सुणइ अइदुसहे ।। ४६ ।। कत्थ गओ नाइ ! तुमं ? को अम्ह कुणिस्सई परित्ताणं ? । नियमुहकमलं दंससु एगं वेलं विलक्खाणं ॥ ४७ ॥ अंतेउरियालोयं इय बिलवंतं सुणित्तु सा कुमरी । चिंतेह तस्स विरहे कुणेमि किं जीविउमहं पि ॥ ४८ ॥ ओयरिडं भूमी लिहिओ एगो सिलोगओ जाव । सहमत्ति तीए हिययं ता फुङ्कं विरहदुहमरियं ॥ ४९ ॥ तं पिच्छिय अच्छरियं लोओ दुहिओ वि गाढदुहजुतो । संजाओ सयलो वि हु तं चैव सिलोगयं पढइ ॥ ५० ॥ ' मयूरो नररूपेण विधिना प्रेषितो ह्यसौ । तेनैव नीयमानाऽस्मि हहा ! सख्यौ ! यमान्तिकम् ' ॥ ५१ ॥ सुणिऊण तीए वत्तं खयरवग्गो समागओ तत्थ । अच्छरियजुओ सयलो वि लिहई तं पढइ य सिलोयं ॥ ५२ ॥ खयरो एगो लिहिऊण तं सिलोगं गओ पिवासाए। सलिलासयस्स तीरे पत्तं मोतुं पिअइ सलिलं ॥ ५३ ॥ सो तं विम्हरिऊणं गंतूणं किं पि आगओ तत्थ । दिट्ठो तेणेगनरो वायंतो इत्थपित्तं ॥ ५४ ॥ सो भणिओ खयरेणं मो ! भो ! अप्पेसु मज्झ पत्तमिणं । पुरिसो भणेइ केणं एसो लिहिओ इह सिलोगो ।। ५५ ।। सो जंपर मोरनिवो कहवि मओ तस्स विरहदुक्खेण । विजाहर निवदुहिया मयंकलेहा मुया तत्तो ॥ ५६ ॥ लिहियंमि सिलोगंमी महीए तीए दुहागयं हिययं । कोऊहलेण एसो पढिओ आबालबुडीए ॥ ५७ ॥ इय मुणिउं पहियनरो झूरह oriमि दुखिओ वाढं । हा ! हा ! मयंकलेहा पंचतं निष्फलं पत्ता ॥ ५८ ॥ सच्चं मुणेमि सर्व्वं विजाहर ! सुणसु निवइवुतं । सो जलनिहिंमि पत्तो मोरेण कीलियपहावा ।। ५९ ।। तत्थ तवसोसियंगी दिट्ठा विजाहरिंदवरधूया । पारणदियहे तेणं तत्तो सा