Paiakaha Sangaha

Author(s): Manvijay, Kantivijay
Publisher: Vijaydansuri Jain Granthmala

Page 92

पाइअ
कहासंग ।
॥ ४१ ॥
मेत्तं एयं ? मोक्खं पि हु वियरह जमेसो || ११ || अन्नदिणे रिउण्हाया कमला हलंतबद्दल कल्लोलं । जलहिं पिच्छइ सुमि कहइ पहाए पिययमस्स || १२ || सो सुविणत्थं मुणिउं साहइ तीए पहाणसुयजम्मं । सेसं (१) धम्ममणा दिणाई सा गमइ सुक्खेण || १३ || अह पडिपुन्ने समए पसवइ पुचं सुलक्खणं धीरं । वद्धावह दासीओ सेडिं सो देह बहुदवं ॥ १४ ॥ महयारिद्धिमरेणं सिट्टी जम्मूसवं तओ कुणइ । सुमिणानुसारओ से समुद्ददत्तो त्ति नामं पि ||१५|| वडइ कमेण कुमरो समय तेरण गिम्हदिवसु च । सुगहियकलाकलावो कमेण सो जुवणं पत्तो ।। १६ ।। कणयवईना मेणं कन्नं कणयप्पहस्स सिट्ठिस्स । परिणाविओ य कुमरो जणएहिं महाविभूईए || १७ || चिंतह य निसासेसे समुद्ददत्तो अहन्नसमयंमि । जो जणयज्जियलच्छिं उबभुंजइ अहमचरिओ सो ॥ १८ ॥ किं एढिएणं ? बुद्धीए किंव किं तस्स गुणसमूहेण ? । जो पियरविदत्तघणं भुंजइ अञ्जणसमत्थो वि ।। १९ ।। जणणिजणयाण चलणे नमिउं विन्नवइ जोडियकरो सो । जणमग्गेणं अजय बहुदवं आगमिस्सामि ॥ २० ॥ ताई वि भांति पुत्तय । लच्छी बिउला वि अस्थि अम्ह गिहे । एवं चिय वच्छ ! तुमं भुंजसु निच्चं सइच्छाए ॥२१॥ ओवायसयल एगो चिय अम्ह पुतो सि । तुम्हारिसाण सुद्दलालियाण दुग्गो जलहिमग्गो ॥ २२ ॥ उच्छाहुल्हसियतणू समुद्ददत्तो पयंपए तत्तो | सुगमं व दुग्गमं वा कुणेह किं धीरपुरिसाण १ || २३ || पुवपुरिसजियाई धगाई विव इच्छाए १ । जे समजिय झुंजंति हुंति ते उत्तमा के वि ।। २४ ॥ किं बहुणा भणिएणं ? जह तह व मए अवस्सगंतवं । तं निच्छयं मुणेउं विसजिओ तेहिं कहकहवि ।। २५ ।। अह कणयवई पभणइ दहए । देसंतरे गमिस्सामि । बाहभरुल्लियनयणाए तीए अणुमन्निओ एसो || २६ || तुट्ठमणो सो वचो गहिऊण कयाणगाई विविधाई । मुणिऊण सुहमुहुचं अच्चिय पडिमं
अनित्यताविषये
समुद्रदत्तकथानकम् ।
॥ ४१ ॥