Paiakaha Sangaha

Author(s): Manvijay, Kantivijay
Publisher: Vijaydansuri Jain Granthmala

Page 78

पाइअ
कहा
संगहे ।
॥ ३४ ॥
I
नवजोवणसंगया दुहिया ॥ २२ ॥ तीए समं जसधवलो वीवाहं कारवेइ पुत्तस्स । अह ताण जाइ कालो परोप्परं नेहकलियाणं ॥ २३ ॥ अनादिणे नियजणयं भक्तिन्भरनिम्भरो पणमिऊण । पमणेइ धम्मदत्तो साहसउच्छाहबुद्धिजुओ ।। २४ ॥ जो जण अजियलच्छि भुंजई निल्लजसेहरो लोए । सो पुरिसो काउरिसो निंदाठाणं सुपुरिसाणं ।। २५ ।। निययदंडसम - जियलच्छीए कुणइ जो जणुवयारं । एक्केण पुरिसरयणेण तेण पुहई खलु सणाहा || २६ || ताय ! अहं संतरगमणं कृणिऊण अखिउं दवं । जिणभवणे संघे तह दुत्थियलोयाण वियरिस्सं ॥ २७ ॥ जसधवलो मणइ तओ नियपुत्तं वच्छ ! गाढदुक्खकरं । देसंतरंमि गमणं तुमं पि सुहलालिओ निच्चं ॥ २८ ॥ जंपेड़ धम्मदत्तो जणयं गाढग्गहेण नमिऊणं । सयम जिऊण लच्छि भुंजिस्सं ताय ! न हु अन्नं ।। २९ ।। तस्सग्गहं मुणेउं पभणइ पुत्तं विसेसओ सिट्ठी । परदेसंमि नरेणं एरिसरूवेण होय || ३० || मुद्धतं दक्खत्तं मोणममोणं धणित्तमघणत्तं । पंडिच्चमपंडिचं सभयत्तं निव्भयत्तं च ॥ ३१ ॥ कुवियत्तमकोवितं निल्लअत्तं सलअं च । देसकालानुमाणा धारेयवं सुपुरिसेणं ॥ ३२ ॥ सेसं व जणय सिक्ख पडिच्छियं गाढभत्तिसंजुतो । गहिउं कयाणगाई चलिओ सो पिययमासहिओ ॥ ३३ ॥ कयविक्रयं कुणंतस्स तस्स मग्गम्मि गच्छमाणस्स । मिलिओ मग्गे कूडो नामेणं बंभणो एगो ॥ ३४ ॥ तं भणइ घम्मदत्तो कहेसु किं पि हु कहाणयं रम्मं । जेणं गच्छइ रयणी सोक्खेणं अज इह मज्झं ।। ३५ ।। वज्जर तओ कूडो अणुहवसिद्धं कहेमि अक्खाणं । पंचसयं दम्माणं पढमं चिय देसि ज‍ मज्झ || ३६ || चिंतेह सिट्ठिपुत्तो केरिसमक्खाणयं इमं होही । एगं वेलं लब्भइ जं सोउं बहुयमोल्लेण ॥ ३७ ॥ तं नूण सुणेयवं अच्छरियं जेण जणह मह हियए । अत्थो ( अत्थं ) पुणो वि अहयं सम्मुजिस्सामि लीलाए ॥ ३८ ॥ तो देह तस्स
भावनाप्रभावे
धर्मदत्त - कथानकम् ।
॥ ३४ ॥