Nandisutram

Author(s): Devvachak, Punyavijay, Vasudev S Agarwal, Dalsukh Malvania
Publisher: Prakrit Text Society Ahmedabad

Page 170

10
.
श्रीहरिभद्रसूरिप्रणीताया नन्दिसूत्रवृत्तेः टिप्पनकम् ।
१४३ थूलभदसामिस्स पारिणामिता-पितुम्मि मारिते कुमारो भण्णति-अमच्चो होहि त्ति । सो असोगवणियाए चिंतेतिकेरिसा भोगा बाउलाणं? ति । ताहे पव्वयितो। राया भणति-पेच्छह, मा कवडेणं जाएजा। गितस्स सुणगमडो वावणो, णासं ण ठएति, वच्चइ पडिलेहंतो। रणो कहितं-विरत्तभोगो त्ति । सिरितो ठवितो १३ ॥
_णासिकं णगरं, नंदो वाणियओ, सुंदरी से भज्जा, मुंदरिणंदो से णामं जातं । तस्स भाता पुव्वैपव्वतिततो सो सुणेति-जहा तीए अज्झोववन्नो। पाहुणतो आगतो, पडिलाहितो, भागं तेग गहितं । 'इह एत्थ विसजेहिति' त्ति उजाणे णीतो। 5 'मा भोगगिद्धो गरगे जाहिति' त्ति अहिगयरेणं उवप्पलोभेभि । सो य वेउन्वितलद्धोए मकडिं दरिसेत्ता पुच्छति-का सुंदरि ? त्ति । मुंदरी । पच्छा बिज्जाहरीए, तुल्ला । पच्छा देवीए, 'देवी अतिसुंदरि' त्ति मुच्छितो भगति-कहं एसा लभति ? । 'धम्मेणं' ति पब्वइतो। साधुस्स पारिणामिकी १४ ॥
वइरसामिस्स देवेहि परिणामो, तओ माता णागुवत्तिया ‘मा संघो अवमाणिहिति' त्ति । पाडलिपुत्ते वेउब्विए 'मा परिभविहि' त्ति । पुरियाए ‘पवयगओभावणा मा होहिति' त्ति सव्वं कहितव्वं १५ ॥
चलणाहणणे-राया तरुणेहिं वुग्गाहिजति-जहा थेरा कुमारामच्चा अवणिजंतु त्ति । सो तेसिं मतिपरिक्खगनिमित्तं भणति-जो रायं सीसे पाएण आहणति तस्स को दंडो? । तरुणा भगति-तिलं तिलं छिंदियव्वतो । थेरा पुच्छिता । 'चिंतेमो' त्ति ऊसरित्ता चिंतेत्ता 'गुणं देवीए को अण्णो आहणिहिति ?' ति आगता भणंति-सत्कारेयव्वओ १६ ॥
आमलगं कित्तिमं । एगेण णातं-अकालो, बिंबं होहिति त्ति १७ ॥
मणिम्मि-सप्पो पक्खीणं अंडगाणि खाति रुक्खं विलग्गित्ता । तत्थ गिद्धेग आलयं विलम्गो मारितो । तत्थ मणी 15 पाडितो । हेट्ठा कूबो, तं पाणीयं रत्तीभूतं । कूवातो णीणियं साभावितं । दारएणं थेरस्स कहितं । तेण विलग्गिऊण गहितं १८॥
सप्पो चंडकोसिओ चिंतेति-एरिसो महप्पा १९ ।।
खग्गो-सावगपुत्तो जोब्वणबलुम्मत्तो धम्म नेच्छति । तत्तो खग्गेसु उववण्णो पटुस्स दोहि बि पासेहिं जहा पक्खरा तहा चम्माणि लंबंति । अडवीए चउम्मुहापहे जणं मारेति । साहुणो य तेणेव पहेण अइक्कमंति । वेगेण आगतो तेएण ण तरति अल्लिविउं । चिंतेति । जाती संभरिता । पच्चक्खाणं । देवलोगगमणं २०॥
20 थूभो-वेसालीए नगरीए णगरनाभीए मुणिसुन्धयसामिस्स थूभो। तस्स गुणेग कूणितस्स ण पडति । देवया आगासे कूणितं भणति
समणं जदा कूलघालयं, मागहिता गणिया रमेहिती। राया य असोगचंदए, वेसालिं नगरिं गहिच्छिती ॥ १ ॥
सो मग्गिजति । का तस्स उप्पत्ती ?। एगस्स आयरियस्स चेल्लओ अविगीतो । आयरितो अंबाडेति । वेरं वहति । । अण्णया आयरिया सिद्धसिलं तेण सम वंदगा विलागा। ओयरंताणं वहाए सिला मुक्का। दिदा आयरिएण, पादा ओसारिता, 25 इहरा मारितो होन्तो । सावो दिगो-दुरात्मन् ! इत्थीहिंतो विणस्सिहिसि त्ति । 'मिच्छावादी भवत' त्ति काउं तावसासमे अच्छति, णदीए कूले आयावेति, पंथब्भासे जो सत्थो एति तत्तो आहारो होइ । णदीए कूले आयावेमागस्स सा नदी अण्णतो पवढा तेण कूलवारतो जातो। तत्थ अच्छंतो आगमितो । गणियाओ सद्दाविताओ। एगा भणति-अहं आणेमि । कवडसाविगा जाता । सत्येण गता वंदति-उदाणभोइग म्हि, चेइयाई वंदामि, तुम्भे य सुता, आगता मि । पारणगे मोदगा संजोइया, अतिसारो जातो, पयोगेग ठविओ। उच्चत्तगादीहिं संभिण्णं चित्तं, आगितो, भणिओ-रण्णो वयणं करेहि । किं । जहा 30 वेसाली घेप्पइ । थूभो णीगावितो । गहिया २१ ॥
१ पूर्वप्रवजितकः ॥