Mahavir Charitram

Author(s): Gunchandra
Publisher: Devchand Lalbhai Pustakoddhar Fund

Page 647

Jain Educato
ताल कुविगप्पं नावं पेल्लेह दीवयाभिमुहीं । उच्छिदह दारिदं आचंदं रयणगहणेण ॥ ५ ॥
एवं च तेण कहिए पणडुविणिवायभएहिं निजामगेहिं पवाहिया तदभिमुही नावा, जाव य केत्तियंपि विभागं गया ताव समुट्ठिओ महामगरो, तेण य मंदरमंथेणेव महियं जलहिजलं, उच्छालिया पयंडकलोला, तदभिघाएण भिन्ना सयसिकरा नावा, निबुड्डो अत्थसारो, खरपवणपहओ पलालपूलउच्च दिसो दिसि पलीणो परियणो, वासवदत्तोऽवि कहकहवि समासाइयफलह खंडो वेलाजलेण बुज्झमाणो पाविओ सायरस्स पारं, कंटग्गगयजीविओ य दिट्ठो एगेण तावसेणं, तेणावि करुणाए नीओ निययासमे, काराविओ कंदमूलाइणा पाणवित्तिं, वीसंतो कइवयवासराई, समुवलद्धसरीरावभो य पट्टिओ नियनयराभिमुर्ह
इओ य तस्स अम्मापणो परलोयं गयाई, जाया य नयरंमि वत्ता, जहा - वासवदत्तोवि समुद्दे बोहित्थभंगेण विणासं पाविओ, ओच्छिन्नसामियंतिकाऊण गहियं धणकणसभिर्द्धपि तम्मंदिरं नरिंदेण, वासवदत्तोऽवि संबलर हियत्तणेणं धणविणाससमुत्थसोगेण य किलंतदेहो महाकटुकप्पणाए संवच्छरमेत्तकालेण संपत्तो कणगखलनयरं, पविसिउमारद्धो य नियमंदिरं, एत्यंतरे उग्गीरियदंडा पधाविया नरवइनिरूविया घरारक्खगपुरिसा, भणिउं पवत्ताअरे कप्पडिय ! घरसामियव निव्भओ कीस इह पविससि ?, किं न याणसि इमं रण्णो गिहं ?, तेण भणियं-किमेयं कुवलय चंदसेट्ठिणो न भवइ ?, तेहिं कहियं - हंत हुतं पुत्रकाले, संपयं पुण असामियंति रन्नो जायं, तेण भणियं
ational
jainelibrary.org