Mahavir Charitram

Author(s): Gunchandra
Publisher: Devchand Lalbhai Pustakoddhar Fund

Page 698

श्रीगुणचंद महावीरच० ८प्रस्ताव
इन्द्रादिभिरंगादि
नयनं
निर्वाण
॥३३९॥
महवा
वचंति देवलोगं वइरामयववरसमुग्गेसु । जिणसंकहाओ ताओ खिवंति जत्तेण पूइत्ता ॥ ३५ ॥ अह सा जिणस्स निवाणजामिणीसरतनकउज्जोया। दीवसवोत्ति अजवि पइवरिसं कीरइ जण ॥ ३६॥ गोअमसामीवि नहोयरंतसुरवरविमाणपेच्छणओ । नाउं जिणनिवाणं चिंतेउमिमं समाढत्तो ॥ ३७॥ एकदिणमेत्तकजेण कीस नाहेण पेसिओऽहमिहं ? । चिरसंथुएसु किं वा जुज्जइ एवंविहं काउं? ॥ ३८॥ हा हा अहं अहन्नो जो सुचिरं सेविऊण कमकमलं । पजंते जयगुरुणो संपइ विच्छोहिओ एवं ॥ ३९ ॥ अहवा जिणंमि वोच्छिन्नपेमदोसंमि कीस हे हियय ! । पढम चिय पडिबंधं कुणसि ? जमेत्तो वहसि सोगं ॥४०॥ संसारवल्लिजलसारणीसमो दुग्गदुग्गइदुवारं । सिवसोक्खकंखिराण मूलमणत्याण पडिबंधो ॥४१॥ ते धन्ना सप्पुरिसा लीलाए च्चिय निसुंभिओ जेहिं । सुहहरिणक्खयकारी मोहमहाकेसरिकिसोरो ॥ ४२ ॥ इय सुक्कज्झाणानलनिदढघणघाइकम्मदारुस्स । गोअमपहुस्स सहसा उप्पन्नं केवलं नाणं ॥४३॥ बारस वासाइं विबोहिऊण भवे सिवं गए तंमि । भयवं सुहम्मसामी निवाणपहं पयासेइ ॥४४॥ तंमिवि चिरकालं विहरिऊण सिरिजंबुसामिणो दाउं । गच्छगणाणमणुन्नं संपत्ते सिद्धिवासंमि ॥४५॥ एवं विजाहरनरसुरिंदसंदोहवंदणिजेसु । समइकतेसु महापहूसु सेजंभवाईसु ॥ ४६ ॥ अइसयगुणरयणनिही मिच्छत्ततमंधलोयदिणनाहो । दूरुच्छारियवइरो वइरसामी समुप्पन्नो ॥४७॥
DOCOCCACCRACCOMAMRORSCORE
॥३३९॥
Jain Education
S
onal
For Private Personel Use Only
ainelibrary.org