Mahavir Charitram

Author(s): Gunchandra
Publisher: Devchand Lalbhai Pustakoddhar Fund

Page 697

नच्चंतीसु सुरसुंदरीसु तूरेसु वजमाणेसु । अचंतसोगविहुरे संघमि य संथुणतंमि ॥ २२ ॥ अग्गिकुमाराण जलणजालजालापलीवियाए लहुं। आरोविति चियाए जिणबुंदि असुरसुरवइणो॥२३॥ वाउकुमारा वायं कुणंति अबरे सुरा पुण खिवंति । गंधडधूवमुष्टिं घयमहुकुंभे य पुणरुत्तं ॥ २४ ॥ मसाइएसु दड्ढेसु तो चियं निवविंति थणियसुरा । खीरोयवारिधाराहिं सिसिरगंधाभिरामाहिं ॥ २५ ॥ अह पहुणो उवरिलं मंगलकएण दाहिणं सकहं । गिण्हइ सक्को हेडिलयं च चमरो असुरराया ॥ २६ ॥ ईसाणिदो वाम उवरिलं तस्स हिट्ठिमं च बली । इयरे सुरासुरिंदा जहारिहं अंगुवंगाई ॥ २७ ॥ तत्तो चियाय ठाणे विचित्तरयणेहिं विरइयं थूमं । निवाणगमणमहिमं जत्तेण कुणंति जयगुरुणो ॥ २८ ॥ अह निव्वत्तियतकालजोग्गनीसेसनिययकायचा । सोगभरमंथरगिरं एवं भणिउं समाढत्ता ॥२९॥ अजं चिय अत्थमिओ दिवायरो अज भारहं खेत्तं । अवहरियसाररयणं जायं नाहे सिवं पत्ते ॥३०॥ एत्तो पयंडभववेरिपीडियाणं पणटबुद्धीण । अम्हारिसाण सरणं को होही नाह! तुह विरहे ? ॥ ३१॥ ससुरासुरंपि भुवणं मन्ने निप्पुन्नयं समग्गपि । अन्नह कुलसेलाऊ हुँतोसि तुमं जिणवरिंदा ! ॥ ३२॥ अहवाऽवस्संभाविसु वत्थुसु संतावकप्पणा विहला । एक्कमियाणि विजयउ सइ तित्थं तुज्झ जयनाह ! ॥३३॥ इय जंपिऊण दुस्सहजयगुरुविरहग्गिदूमिया सक्का । नंदीसरंमि गंतुं काउं अट्ठाहियामहिमं ॥ ३४ ॥
Jain Educa
t ional
I
HNw.jainelibrary.org