Mahavir Charitram

Author(s): Gunchandra
Publisher: Devchand Lalbhai Pustakoddhar Fund

Page 699

AACAREERICA
साहाइ तस्स चंदे कुलंमि निप्पडिमपसमकुलभवणं । आसि सिरिवद्धमाणो मुणिनाहो संजमनिहिव ॥४८॥ बहलकलिकालतमपसरपूरियासेसविसमसमभागो । दीवेणं व मुणीणं पयासिओ जेण मुत्तिपहो ॥४९॥ मुणिवइणो तस्स हरअट्टहाससियजसपसाहियासस्स । आसि दुवे वर सीसा जयपयडा सूरससिणोच ॥ ५॥ भवजलहिवीइसंभंतभवियसंताणतारणसमत्थो । बोहित्योच महत्थो सिरिसूरिजिणेसरो पढमो ॥५१॥ गुरुसाराओ धवलाउ सुविहिया (निम्मला पु.) साहुसंतई जाया।हिमवंताओ गंगव निग्गया सयलजणपुजा ॥५२॥ अन्नो य पुन्निमायंदसुंदरो बुद्धिसागरो सूरी। निम्मवियपवरवागरणछंदसत्थो पसत्थमई ॥ ५३॥ एगंतवायविलसिरपरवाइकुरंगभंगसीहाणं । तेसिं सीसो जिणचंदसुरिनामो समुप्पनो ॥५४॥ संवेगरंगसाला न केवलं कवविरयणा जेण । भवजणविम्हयकरी विहिया संजमपवित्तीवि ॥ ५५ ॥ ससमयपरसमयन्नू विसुद्धसिद्धंतदेसणाकुसलो । सयलमहिवलयवित्तो अन्नो ऽभयदेवसूरित्ति ॥ ५६ ॥ जेणालंकारधरा सलक्खणा वरपया पसन्ना य । नवंग (सिद्धंत पु.)वित्तिरयणेण भारई कामिणिच कया ॥५७॥ तेसिं अत्थि विणेओ समत्थसत्थत्थबोहकुसलमई । सूरी पसन्नचंदो चंदो इव जणमणाणंदो ॥ ५८ ॥ तन्वयणेणं सिरिसुमइवायगाणं विणेयलेसेण । गणिणा गुणचंदेणं रइयं सिरिवीरचरियमिमं ॥ ५९॥ एयस्स विरयणंमी निबंधो जेसि गाढमुप्पन्नो । ते पुण मूलाओ चिय साहिजते निसामेह ॥ ६॥
Jan Educati
o nal
For Private Personel Use Only
Raajainelibrary.org