Jain Darshan Praveshak

Author(s): Vairagyarativijay
Publisher: Pravachan Prakashan

Page 50

४१
सम्मतिसूत्रम्
सो पुण समासओ चिअ वंजणनिअओ अ अत्थनिअओ अ । अत्थगओ अ अभिन्नो भइअव्वो वंजणविगप्पो ॥३०॥ एगदविअम्मि जे अत्थपज्जवा वयणपज्जवा वा वि । तीआणागयभूआ तावइअं तं हवइ दव्वं ॥३१॥ पुरिसम्मि पुरिससद्दो जम्माईमरणकालपज्जतो । तस्स उ बालाईआ पज्जवजोगा बहुविगप्पा ॥३२॥ अत्थि त्ति निव्विअप्पं पुरिसं जो भणइ पुरिसकालम्मि । सो बालाइविगप्पं न लहइ तुल् व पाविज्जा ॥३३॥ वंजणपज्जायस्स उ पुरिसो पुरिसो त्ति निच्चमविअप्पो । बालाइविगप्पं पुण पासइ से अत्थपज्जाओ ॥३४॥ सविअप्पनिव्विअप्पं इअ पुरिसं जो भणिज्ज अविअप्पं । सविअप्पमेव वा निच्छएण न य निच्छिओ समए ॥३५।। अत्यंतरभूएहि अनिअएहि अ दोहि समयमाईहिं । वयणविसेसाईअं दव्वमवत्तव्वयं पडइ ॥३६।। अह देसो सब्भावे देसो सब्भावपज्जवे निअओ । तं दविअमत्थि नत्थि अ आएसविसेसि जम्हा ॥३७|| सब्भावे आइट्ठो देसो देसो अ उभयहा जस्स । तं अत्थि अवत्तव्वं च होइ दविअं विअप्पवसा ॥३८॥ आइट्ठोऽसब्भावे देसो देसो अ उभयहा जस्स । तं णत्थि अवत्तव्वं च होइ दविअं विअप्पवसा ॥३९॥ सब्भावासब्भावे देसो देसो अ उभयहा जस्स । तं अत्थि णत्थिअवत्तव्वयं च दविअं विअप्पवसा ॥४०॥