Jain Darshan Praveshak

Author(s): Vairagyarativijay
Publisher: Pravachan Prakashan

Page 48

सम्मतिसूत्रम्
पज्जवनयवोक्कंतं वत्थु दव्वट्ठिअस्स वयणिज्जं । जाव दविओवओगो अपच्छिमविअप्पनिव्वयणो ॥८॥ दव्वट्ठिओ त्ति तम्हा नत्थि नओ निअमसुद्धजाईओ । न य पज्जवट्ठिओ नाम कोइ भयणाय उ विसेसो ॥९॥ दव्वट्ठिअवत्तव्वं अवत्थु नियमेण होइ पज्जाए । तह पज्जववत्थु अवत्थुमेव दव्वट्ठिअनयस्स ॥१०॥ उप्पज्जंति वयंति अ भावा निअमेण पज्जवनयस्स । दव्वट्ठियस्स सव्वं सया अणुप्पन्नमविणटुं ॥११॥ दव्वं पज्जवविउयं दव्वविउत्ता य पज्जवा नत्थि । उप्पायठिईभंगा हंदि दविअलक्खणं एअं ॥१२॥ एए पुण संगहओ पाडिक्कमलक्खणं दुवेण्हं पि । तम्हा मिच्छट्ठिी पत्तेअं दो वि मूलनया ॥१३॥ ण य तइओ अत्थि नओ न य सम्मत्तं न तेसु पडिपुण्णं । जेण दुवे एगंते विभज्जमाणा अणेगंतो ॥१४॥ जह एए तह अन्ने पत्तेयं दुण्णया नया अन्ने । हंदि हु मूलनयाणं पन्नवणे वावडा ते वि ॥१५॥ सव्वनयसमूहम्मि वि नत्थि नओ उभयवायपण्णवओ । मूलनयाण उ आणं पत्तेअविसेसि बिंति ॥१६॥ ण य दव्वट्ठिअपक्खे संसारो णेय पज्जवनयस्स । सासयवियत्तिवाई जम्हा उच्छेअवाइआ ॥१७॥ सुहदुक्खसंपओगो न जुज्जई निच्चवायपक्खम्मि । एगंतुच्छेअम्मि वि सुहदुक्खविअप्पणमजुत्तं ॥१८॥