Dhammakahanuogo

Author(s): Kanhaiyalal Maharaj, Dalsukh Malvania
Publisher: Agam Anuyog Prakashan

Page 726

१२. अभग्गसेणकहाणयं
पुरिमताले चोरसेणावई-विजयपत्ते अभग्गसणे २३२ तेणं कालेणं तेणं समएणं पुरिमताले नाम नयरे होत्था--रिद्धथिमियसमिद्धे।
तस्स णं पुरिमतालस्स नयरस्स उत्तरपुरस्थिमे दिसीभाए, एत्थ णं अमोहदंसी उज्जाणे । तत्थ णं अमोहदंसिस्स जक्खस्स आययणे होत्था । तत्थ णं पुरिमताले नयरे महब्बले नाम राया होत्था। तस्स णं पुरिमतालस्स नयरस्स उत्तरपुरत्यिमे दिसीभाए देसप्पंते अडवि-संसिया, एस्थ णं सालाडवी नामं चोरपल्ली होत्था-- विसमगिरिकंदर-कोलंब-संनिविट्ठा बंसीकलंक-पागारपरिक्खित्ता छिण्णसेल-विसमप्पवाय-फरिहोवगढा अभितरपाणीया सुदुल्लभजल
पेरंता अणेगखंडी विदियजणदिन-निग्गमप्पवेसा सुबहुस्स वि कुवियजणस्स दुप्पहंसा यावि होत्था। २३३ तत्थ णं सालाडवीए चोरपल्लीए विजए नाम चोरसेणावई परिवसइ--अहम्मिए अहम्मिट्ठे अहम्मक्खाई अधम्माणुए अधम्मपलोइ
अधम्मपलज्जणे अधम्मसील-समुदायारे अधम्मेण चेव वित्ति कप्पेमाणे विहरइ--हण-छिद-भिद-वियत्तए लोहियपाणी बहुनयर निग्गयजसे सूरे दढप्पहारे साहसिए सहवेही असि-लट्ठि-पढममल्ले। से णं तत्थ सालाडवीए चोरपल्लीए पंचण्हं चोरसयाणं आहेवच्चं पोरेवच्चं सामित्तं भट्टित्तं महत्तरगत्तं आणा-ईसर-सेणावच्चं कारेमाणे पालेमाणे विहरइ।। तए णं से विजए चोरसेणावई बहूणं चोराण य पारदारियाण य गंठिभेयगाण य संधिच्छेयगाण य खंडपट्टाण य, अण्णेसि च बहूणं छिण्ण-भिण्ण-बाहिराहियाणं कुडंगे यावि होत्था। तए णं से विजए चोरसेणावई पुरिमतालस्स नयरस्स उत्तरपुरथिमिल्लं जणवयं बहूहि गामघाएहि य नगरघाएहि य गोगहणेहि य बंदिग्गहणेहि य पंथकोट्टेहि य खत्तखणणेहि य ओवीलेमाणे-ओवीलेमाणे विहम्मेमाणे-विहम्मेमाणे तज्जेमाणे-तज्जेमाणे तालेमाणे
तालेमाणे नित्थाणे निद्धणे निक्कणे करेमाणे विहरइ, महब्बलस्स रण्णो अभिक्खणं-अभिक्खणं कप्पायं गेण्हइ । २३४ तरस णं विजयस्स चोरसेणावइस्स खंदसिरी नाम भारिया होत्था--अहीणपडिपुण्ण-पंचिदियसरीरा।
तस्स णं विजयस्स चोरसेणावइस्स पुत्ते खंदसिरीए भारियाए अत्तए अभग्गसेणे नामं दारए होत्था--अहीणपडिपुण्ण-पंचिदियसरीरे । २३५ तेणं कालेणं तेणं समएणं समणे भगवं महावीरे पुरिमताले नयरे समोसढे। परिसा निग्गया। राया निग्गओ। धम्मो कहिओ।
परिसा राया य गओ।
महावीरसमोसरणे गोयमेण अभग्गसेणस्स पुव्वभवपुच्छा २३६ तेणं कालेणं तेणं समएणं समणस्स भगवओ महावीरस्स जेठे अंतेवासी गोयमे-जाव-रायमगंसि ओगाढे, तत्थ गं बहवे हत्थी
पासइ, अण्णे य तत्थ बहवे आसे पासइ, अण्णे य तत्थ बहवे पुरिसे पासइ-सण्णद्ध-बद्धवम्मियकवए। तेसि च णं पुरिसाणं मशगयं एगं पुरिसं पासइ--अवओडय बंधणं उविखत्त-कण्ण-नासं नेहतुप्पियगत्तं वज्झकरकडि-जुयनियच्छं कंठेगुणरत्त-मल्लदाम चुण्णगुंडियगातं चुण्णयं वज्झपाणपीयं तिल-तिलं चेव छिज्जमाणं कागणिमसाई खावियंतं पावं खक्खरसहि हम्ममाणं अणेगनर-नारी-संपरिवुडं चच्चरे-चच्चरे खंडपडहएणं उग्धोसिज्जमाणं [इमं च णं एयारूवं उग्घोसणं सुणेइ--नो खलु देवाणुप्पिया! अभग्गसेणस्स चोरसेणावइस्स केइ राया वा रायपुत्तो वा अवरज्झइ, अप्पणो से सयाई कम्माइं अवरज्झंति ?] । तए णं तं पुरिसं रायपुरिसा पढमंसि चच्चरंसि निसियाति, निसियावेत्ता अट्ट चुलप्पिउए अग्गओ धाएंति, घाएत्ता कसप्पहारेहि तासेमाणा-तासेमाणा कलुणं काकणिमसाई खावेति, रुहिरपाणं च पाएंति । तयाणंतरं च णं दोच्चंसि चच्चरंसि अट्ट चुल्लमाउयाओ अग्गओ घाएंति, घाएत्ता कसप्पहारेहि तासेमाणा तासेमाणा-कलुणं काकणिमंसाई खावेति, रुहिरपाणं च पाएंति ।