Dhammakahanuogo

Author(s): Kanhaiyalal Maharaj, Dalsukh Malvania
Publisher: Agam Anuyog Prakashan

Page 754

पूरणबालतवस्मिकहणयं
४९९
कहि णं ताओ चउरासोइसामाणियसाहस्सीओ? कहि णं ते तायत्तीसयतावत्तीसगा ? कहिणं ते चत्तारि लोगपाला? कहि ण ताओ अटू अग्गमहिसीओ सपरिवाराओ? कहि णं ताओ तिण्णि परिसाओ ? कहि णं ते सत्स अणिया? कहि णं ते सत्त अणियाहिबई ? कहि णं ताओ चत्तारि चउरासीईओ आयरक्खदेवसाहस्सीओ? कहि णं ताओ अणेगाओ अच्छराकोडीओ ? अज्ज हणामि, अज्ज महेमि, अज्ज वहेमि, अज्ज ममं अवसाओ अच्छराओ वसमुवणमंतु"त्ति कटु तं अणिळं अकंतं अप्पियं असुभं अमणुण्णं अमणामं फरुसं गिरं निसिरइ।
३५१
जाव चमर असुरिदं असुरराम पुणचाउद्दसा ! अन्य विणिम्मुयमाण-विविदिद्वि
सक्केण वज्ज-णिसिरणं तए णं से सक्के देविदे देवराया तं अणि8-जाव-अमणामं अस्सुयपुव्वं फरुसं गिरं सोच्चा निसस्स आसुरुत्ते रु8 कुविए चंडिक्किए मिसिमिसेमाणे तिवलियं भिडि निडाले साहट्ट चमरं असुरिद असुररायं एवं वदासि--"हं भो ! चमरा! असुरिंदा! असुरराया! अपत्थियपत्थया! दुरंतपंतलक्खणा! हिरिसिरिपरिवज्जिया! हीणपुण्णचाउद्दसा! अज्ज न भवसि, नाहि ते सुहमत्थीति कटु तत्थेव सीहासणवरगए बज्ज परामुसइ, परामुसित्ता तं जलंतं फुडतं तडतडतं उक्कासहस्साई विणिम्मुयमाणं-विणिम्मुयमाणं, जालासहस्साई प{चमाणं-पमुंचमाणं, इंगालसहस्साई पविक्खिरमाणं-पविक्खिरमाणं, फुलिंगजालामालासहस्सेहि चक्खुविक्खेवदिट्ठिपडिघात पि पकरेमाणं हयवहअइरेगतेयदिपंत जइणवेगं फुल्लकिसुयसमाणं महम्भयं भयंकर चमरस्स असुरिंदस्स असुरण्णो वहाए वज निसिरइ।
चरिदस्स भगवंतमहावीरपादपडणं ३५२ तए णं से चमरे असुरिदे असुरराया तं जलतं-जाव-भयंकर वज्जमभिमुहं आवयमाणं पासइं, पासित्ता झियाइ .पिहाइ, पिहाइ मियाइ,
झियायित्ता पिहाइत्ता तहेव संभग्गमउडविड़वे सालंबहत्याभरणे उड्ढपाए अहोसिरे कक्खागयसेयं पिव विणिम्मुयमाणे-विणिम्मयमाणे ताए उक्किट्ठाए-जाव-तिरियमसंखेज्जाणं दीव-समुद्दाणं मझमझेणं बीईवयमाणे-वीईवयमाणे जेणेव जंबुदीवे दीवे-जाव-जेणेव असोगवरपायवे जेणेव ममं अंतिए तेणेव उवागच्छइ, उवागच्छित्ता भीए भयगग्गरसरे 'भगवं सरणं' इति बुयमाणे ममं दोण्ह वि पायाणं अंतरंसि झत्ति वेगेणं समोडिए।
सक्किदस्स वि भयवंतमहावीरसमीवे आगमणं वज्जपडिसाहरणं य ३५३ तए णं तस्स सक्कस्स देविदस्स देवरण्णो इमेयारूवे अज्झत्यिए-जाव-संकप्पे समुप्पज्जित्था--"नो खलु पभू चमरे असुरिदे असुर
राया, नो खलु समत्थे चमरे असुरिंदे असुरराया, नो खलु विसए चमरस्स असुरिदस्स असुररणो अप्पणो निस्साए उड्ढं उप्पइत्ता-जाव-सोहम्मो कप्पो, नऽण्णत्थ अरहंते वा, अरहंतचेइयाणि वा, अणगारे वा भाविअप्पणो नीसाए उड्ढे उप्पयइ-जावसोहम्मो कप्पो, तं महादुक्खं खलु तहास्वाणं अरहंताणं भगवंताणं अणगाराण य अच्चासायणाए" ति कटु ओहि पउंजइ, मम ओहिणा आभोएइ, आभोएत्ता 'हा! हा! अहो ! हतो अहमंसि' त्ति कट्ठ ताए उक्किट्ठाए-जाव-दिव्वाए देवगईए वज्जस्स वीहि अणुगच्छमाणे-अणुगच्छमाणे तिरियमसंखेज्जाणं दीव-समुद्दाणं मझमझेणं-जाव-जेणेव असोगवरपायवे, जेणेव ममं अंतिए तेणेव उवागच्छद', उवागच्छिता ममं चउरंगुलमसंपत्तं वज्जं पडिसाहरइ, अवि याइं मे गोयमा ! मुट्ठिवाएणं केसग्गे वीइत्था ।
सक्किदेण खमाजायणं असुरिंदनिब्भयकरणं य ३५४ तए णं से सक्के देविदे देवराया वज्ज पडिसाहरित्ता ममं तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता
एवं वयासि--एवं खलु भंते ! अहं तुम्भं नीसाए चमरेणं असुरिदेणं असुररणा सयमेव अच्चासाइए। तए णं मए परिकुविएणं समाणेणं चमरस्स असुरिंदस्स असुररण्णो बहाए वज्जे निसठे। तए णं मम इमेयारूवे अज्झथिए चितिए पत्थिए मणोगए संकप्पे