Dhammakahanuogo

Author(s): Kanhaiyalal Maharaj, Dalsukh Malvania
Publisher: Agam Anuyog Prakashan

Page 753

४९८
धम्मकहाणुओगे छट्ठो खंधो
चरिदस्स सक्किदभोगदंसणेण अमरिसो ३४९ तए णं से चमरे असुरिंदे असुरराया पंचविहाए पज्जत्तीए पज्जत्तिभावं गए समाणे उड्ढं वीससाए ओहिणा आभोएइ-जाव-सोहम्मो
कप्पो, पासइ य तत्थ--सक्कं देविदं देवराय, मघवं पाकसासणं । सयक्कतुं सहस्सक्खं, वज्जपाणि पुरंदरं-जाव-दस दिसाओ उज्जोवेमाणं पभासेमाणं सोहम्मे कप्पे सोहम्मव.सए विमाणे सभाए सुहम्माए सक्कंसि सोहासणंसि-जाव-दिव्वाई भोगभोगाइं भुजमाणं पासइ, पासित्ता इमेयारवे अज्झथिए-जाव-समुप्पज्जित्था--केस णं एस अपत्थियपत्थए दुरंतपंतलक्खणे हिरिसिरिपरिवज्जिए होणपुण्णचाउद्दसे ज णं ममं इमाए एयारवाए दिव्वाए देविड्ढीए दिव्वाए देवज्जुतीए दिव्वे देवाणुभावे लद्ध पत्ते अभिसमण्णागए उप्पि अप्पुस्सुए दिवाई भोगभोगाई भुंजमाणे विहरइ--एवं संपेहेइ, संपेहेत्ता सामाणियपरिसोववण्णए देवे सद्दावेइ, सहावेत्ता एवं वयासी"केस णं एस देवाणुप्पिया! अपत्थियपत्थए-जाव-दिव्वाइं भोगभोगाई भुंजमाणे विहरइ ?" तए ण ते सामाणियपरिसोबवण्णगा देवा चमरेणं असुरिदेणं असुररण्णा एवं बुत्ता समाणा हटुतुटुचित्तमाणंदिया शंदिया पोइमणा परमसोमणस्सिया हरिसवसविसप्पमाणहियया करयलपरिग्गहियं दसनहं सिरसावत्तं मत्थए अंजलि कट्ट जएणं विजएणं वद्धाति, वद्धावेत्ता एवं वयासी--एस ण देवाणुप्पिया! सक्के देविदे देवराया-जाव-विव्वाई भोगभोगाई भुंजमाणे विहर।। तए णं से चमरे असुरिंदे असुरराया तेसि सामाणियपरिसोववण्णगाणं देवाणं अंतिए एयमट्ट सोच्चा निसम्म आसुरुत्ते रुठे कुविए चंडिक्किए मिसिमिसेमाणे ते सामाणियपरिसोबवण्णो देबे एवं बयासी-- अण्णे खलु भो! से सक्के देविदे देवराया, अण्णे खलु भो! से चमरे असुरिंदे असुरराया, महिड्डीए खलु भो! से सक्के देविदे देवराया, अप्पिड्ढीए खलु भो! से चमरे असुरिवे असुरराया, तं इच्छामि गं देवाणुप्पिया! सक्कं विदं देवरायं सयमेव अच्चासाइत्तए ति कटु उसिणे उसिणम्भए जाए यावि होत्था ।
चरिदस्स महावीरनिस्साए सक्किन्दअच्चासायणाकरणं ३५० तए णं से चमरे असुरिंदे असुरराया ओहि पउंजइ, पउंजित्ता ममं ओहिणा आभोएइ, आभोएता इमेयारूवे अज्झथिए-जाव
समुप्पज्जित्था--एवं खलु समणे भगवं महावीरे जंबुद्दीवे दोवे भारहे वासे सुसुमारपुरे नयरे असोगवणसंडे उज्जाणे असोगवरपायवस्स अहे पुढविसिलावट्टयंसि अट्ठमभत्तं पगिहित्ता एगराइयं महापडिम उवसंपज्जित्ता णं विहरति, तं सेयं खलु मे समणं भगव महावीरं णीसाए सक्कं देविद देवरायं सयमेव अच्चासाइत्तए त्ति कट्ट एवं संपेहेइ, संपेहेत्ता सयणिज्जाओ अम्भुट्टई, अम्भुट्ठता देवदूसं परिहेइ, परिहेता जेणेव सभा सुहम्मा जेणेब चोप्पाले पहरणकोसे तेणेव उवागच्छइ, उबागच्छित्ता फलिहरयणं परामुसइ, परामुसित्ता एगे अबीए फलिहरयणमायाए महया अमरिसं वहमाणे चमरचंचाए रायहाणीए मज्झमझेणं णिग्गच्छइ, णिगच्छित्ता जेणेव तिगिछिकूडे उप्पायपव्वए तेणेव उवागच्छइ, उवागच्छित्ता वेउब्वियसमुग्धाएणं समोहण्णइ, समोहणित्ता-जाव-उत्तरवेउव्वियं रूवं विकुव्वइ, विकुवित्ता ताए उक्किट्ठाए-जाव-जेणेव पुढविसिलावट्टए जेणेव ममं अंतिए तेणेव उवागच्छइ, उवागच्छिता ममं तिक्खुत्तो आयाहिण-पयाहिणं करेइ, करेत्ता-जाव-नमंसित्ता एवं वयासी--इच्छामि णं भंते ! तुम्भं नीसाए सक्कं देविदं देवरायं सयमेव अच्चासाइत्तए त्ति कट्ट उत्तरपुरत्थिमं दिसौभागं अवक्कमेइ, अवक्कमित्ता वेउब्वियसमुग्घाएणं समोहण्णति, समोहणिता-जावदोच्चं पि वेउव्वियसमुग्घाएणं समोहण्णइ एगं महं घोरं घोरागारं भीमं भीमागारं भासुरं भयाणीयं गंभीरं उत्तासणयं कालड्ढरत्तमास-रासिसंकामं जोयणसय-साहस्सीयं महाबोंदि विउब्बइ, विउव्वित्ता अप्फोडेइ वग्गइ गज्जइ, हयहेसियं करेइ, हत्थिगुलगुलाइयं करेइ, रहघणघणाइयं करेइ, पायदद्दरगं करेइ, भूमिचवेडयं दलयइ, सीहणादं नदइ, उच्छोलेइ पच्छोलेइ, तिति छिदइ, वाम भुयं ऊसवेइ, दाहिणहत्थपदेसिणीए अंगुट्ठणहेण य वितिरिच्छं मुहं विडंवेइ, महया-महया सद्देण कलकलरवं करेइ एगे अबीए फलिहरयणमायाए उड्ढं बेहासं उप्पइए-खोभंते चेव अहेलोयं कंपेमाणे व मेइणीतलं साकड्ढ़ते व तिरियलोयं, फोडेमाणे व अंबरतलं, कत्थइ गज्जते, कत्थइ विज्जुयायंते, कत्थइ वासं वासमाणे, कत्थइ, रयुग्घायं पकरेमाणे, कत्थइ तमुक्कायं पकरेमाणे, वाणमंतरे देवे वित्तासेमाणे-वित्तासेमाणे, जोइसिए देवे दुहा विभयमाणे-विभयमाणे, आयरक्खे देवे विपलायमाणे-विपलायमाणे, फलिहरयणं अंबरतलंसि वियट्टमाणे-वियट्टमाणे. विउम्भाएमाणे-विउम्भाएमाणे ताए उक्किट्ठाए-जाव-दिव्वाए देवगईए तिरियमसंखेज्जाणं दीव-समुद्दाणं मझमज्झणं वीईवयमाणे-वीईवयमाणे जेणेव सोहम्मे कप्पे, जेणेव सोहम्मव.सए विमाणे, जेणेव सभा सुहम्मा तेणेव उवागच्छइ, एग पायं पउमवरवेइयाए करेइ, एग पायं सभाए सुहम्माए करेइ, फलिहरयणेणं महया-महया सद्देणं तिक्खुत्तो इंदकोलं आउडेइ, आउडेता एवं वयासी-- "कहि णं भो! सक्के देविदे वेवराया?
फसवेइ, दाहित्यिहास उप्पइए-बोभते वैवास बासमाणे, कत्था, आयरवले देव विपलायमाणे वितरियमसंखेज्जाणं बीच-समझाड,