Dhammakahanuogo

Author(s): Kanhaiyalal Maharaj, Dalsukh Malvania
Publisher: Agam Anuyog Prakashan

Page 743

१७. सोरियदत्तकहाणयं
सोरियपुरे सोरियदत्ते ३०९ तेणं कालेणं तेणं समएणं सोरियपुरं नयरं । सोरियव.सगं उज्जाणं । सोरिओ जक्खो। सोरियदत्ते राय. .
तस्स णं सोरियपुरस्स नयरस्स बहिया उत्तरपुरथिमे दिसीभाए, एत्थ णं एगे मच्छंधपाडए होत्था । तत्थ णं समुद्ददत्ते नामं मच्छंधे परिवसइ--अहम्मिए-जाव-दुप्पडियाणंदे । तस्स णं समुद्ददत्तस्स समुद्ददत्ता नाम भारिया होत्था--अहीण-पडिपुण्णपंचिदियसरीरा०।। तस्स ण समुद्ददत्तस्स मच्छंधस्स पुत्ते समुद्ददत्ताए भारियाए अत्तए सोरियदत्ते नाम दारए होत्था--अहीण-पडिपुण्ण-पंचिदियसरीरे० ।
भगवओ महावीरस्स समोसरणे गोयमेण सोरियदत्तस्स पुस्वभवपुच्छा ३१० तेण कालेणं तेणं समएणं सामी समोसढे-जाव-परिसा पडिगया।
तेणं कालेणं तेणं समएणं समणस्स भगवओ महावीरस्स जे? सोसे-जाव-सोरियपुरे नयरे उच्च-नीय-मज्झिमाई कुलाई [अडमाणे ?] अहापज्जतं समुदाणं गहाय सोरियपुराओ नयराओ पडिनिक्खमइ, पडिनिक्खमित्ता तस्स मच्छंधपाडगस्स अदूरसामंतेणं वीईवयमाणे महइमहालियाए मणुस्सपरिसाए मझगयं पासइ एगं पुरिसं--सुक्क भुक्खं निम्मंसं अद्विचम्मावणद्धं किडिकिडियाभयं नीलसाडगनियत्थं मच्छकंटएणं गलए अणुलग्गेणं कट्ठाई कलुणाई वीसराई उक्कूवमाणं अभिक्खणं-अभिक्खणं पूयकवले य रुहिरकवले य किमियकवले य वममाणं पासइ, पासित्ता इमेयारूवे अज्झथिए चितिए कप्पिए पत्थिए मणोगए संकप्पे समुप्पज्जित्था--"अहो णं इमे पुरिसे पुरा पोराणाणं दुच्चिण्णाणं दुप्पडिक्कंताणं असुभाणं पावाणं कडाणं कम्माणं पावगं फलवित्तिविसेसं पच्चणुभवमाणे विहरई'-एवं संपेहेइ, संपेहेत्ता जेणेव समणे भगवं महावीरे तेणेव उवागच्छइ । पुव्वभवपुच्छा-जाव-वागरणं ।
सोरियदत्तस्स सिरीयभवकहा ३११ एवं खलु गोयमा! तेणं कालेणं तेणं समएणं इहेव जंबुद्दीवे दोवे भारहे वासे नंदिपुरे नाम नयरे होत्था। मित्ते राया ।
तस्स णं मित्तस्स रण्णो सिरीए नाम महाणसिए होत्या-अहम्मिए-जाव-दुप्पडियाणंदे। ३१२ तस्स गं सिरीयस्स महाणसियस्स बहवे मच्छिया य वागुरिया य साउणिया य दिण्णभइ-भत्त-बेयणा कल्लाकल्लि बहवे सोहमच्छा
य-जाव-पडागाइपडागे य, अए य-जाव-महिसे य, तित्तिरे य-जाव-मयूरे य जीवयाओ ववरोति, ववरोवेत्ता सिरीयस्स महाणसियस्स उवणेति, अण्णे य से बहवे तित्तिरा य-जाव-मयूरा य पंजरंसि संनिरद्धा चिट्ठति, अण्णे य बहवे पुरिसा दिण्णभइ-भत्त
वेयणा ते बहवे तित्तिरे य-जाव-मयूरे य जीवंतए चेव निप्पक्छेति, निप्पक्खेत्ता सिरीयस्स महाणसियस्स उवणेति । ३१३ तए णं से सिरीए महाणसिए बहूणं जलयर-थलयर-खहयराणं मंसाई कप्पणी-कप्पियाई करेइ, तं जहा--सण्हखंडियाणि य वट्टखंडि
याणि य दीहखंडियाणि य रहस्सखंडियाणि य, हिमपक्काणि य जम्मपक्काणि य धम्मपक्काणि य मारुयपक्काणि य कालाणि य हेरंगाणि य महिट्ठाणि य आमलरसियाणि य मुद्दियारसियाणि य कविटरसियाणि य दालिमरसियाणि य मच्छरसियाणि य तलियाणि य भज्जियाणि य सोल्लियाणि य उवक्खडावेति, उवक्खडावेत्ता अण्णे य बहवे मच्छरसए य एणेज्जरसए य तित्तिररसए य-जावमयूररसए य, अण्णं च विउलं हरियसागं उवक्खडावेति, उवक्खडावेत्ता मित्तस्स रण्णो भोयणमंडवंसि भोयणवेलाए उवणेति। अप्पणा वि णं से सिरीए महाणसिए तेसि च बहूहि जलयर-थलयर-खहयरमंसेहिं च रसिएहि य हरियसागेहि य सोल्लेहि य तलिएहि य भज्जिएहि य सुरं च महुं च मेरगं च जाइं च सीधुं च पसण्णं च आसाएमाणे वीसाएमाणे परिभाएमाणे परिभुजे
माणे विहरइ । ३१४ तए णं से सिरीए महाणसिए एयकम्मे एयप्पहाणे एयविज्जे एयसमायारे सुबहुं पावं कम्म कलिकलुसं समज्जिणित्ता तेत्तीसं बास
सयाई परमाउं पालइत्ता कालमासे कालं किच्चा छठ्ठीए पुढवीए उबवण्णे ।