________________
વારસામાં પુત્રોને પૈસા આપી જવાની વિચારણામાં રમતા પપ્પાઓનો તો સંસારમાં સુકાળ જ સુકાળ છે. પરંતુ વારસામાં પુત્રોને પુણ્ય બાંધવાના સંસ્કારો આપી જવા કેટલા પપ્પાઓ પ્રયત્નશીલ હશે એ તો લાખ રૂપિયાનો પ્રશ્ન છે.
જવાબ આપો. મનને આકર્ષણ કોનું છે? પુણ્યને ભોગવી લેવાનું કે પુણ્યને બાંધતા રહેવાનું? સુખને ખેંચી ખેંચીને ભોગવતા રહેવાનું કે કષ્ટો વેઠીનેય સુખને વાવતા રહેવાનું ? સંપત્તિ પાછળ જ પાગલ બન્યા રહેવાનું કે સંસ્કારોને જ જીવનની બહુમૂલ્ય મૂડી માનતા રહેવાનું?
યાદ રાખજો. તમે જો પૈસા પાછળ જ પાગલ હશો તો તમારા પુત્રોને ય તમે એની પાછળની પાગલતા જ વારસામાં આપવાના છો અને તમે પોતે જો સત્કાર્યમાં જ સલામતીનાં દર્શન કરતા હશો તો તમારા પુત્રોને ય તમે સલામત બનાવી દેવા સત્કાર્યોમાં જ જોડતા રહેવાના છો. પ્રશ્નપુત્રોની જીવનશૈલીનો એટલો નથી જેટલો તમારી ખુદની વિચારશૈલીનો છે. પ્રશ્ન પુત્રોના ભાવિનો એટલો નથી જેટલો તમારા વર્તમાનનો છે.
જીવનની આ સુંદર શૈલીનું મૂળ બતાવી રહ્યા છે. -
‘મહારાજ સાહેબ, સાવ સાચું કહું તો બન લાગે છે કે પ્રભુ પાત્રતા જોયા વિના મારા પર વરસ્યા છે. ક્યારેય કલ્પી નહોતી એટલી વિપુલ સંપત્તિ આજે મારી પાસે છે. પણ હા, મને આનંદ આજે એ વાતનો એટલો નથી કે મારી પાસે વિપુલ સંપત્તિ છે. આનંદ મને એ વાતનો આજે એટલો છે કે સંપત્તિનો વ્યય કરતા રહેવાની ભાવના મારા હૈયામાં સતત જીવતી જ હોય છે.'
‘આ ભાવના નાની વયથી જ ?'
હા. પણ એ ભાવનાને પ્રગટાવવાનું કામ કર્યું પિતાજીએ. અમે કુલ ત્રણ ભાઈઓ. જ્યારથી કમાતા થયા, પિતાજીએ એક વાત અમારા મનમાં સજ્જડ બેસાડી દીધી.
- ‘જુઓ, જે પ્રભુની કૃપાથી તમારા હાથ ભરાયેલા રહે છે એ પ્રભુ પાસે ક્યારેય ખાલી હાથે જવાની ભૂલ કરશો નહીં. બીજું, પ્રભુ પાસે ગયા બાદ ત્યાં રકમ મૂકવા ખીસામાં હાથ નાખો ત્યારે બે બાબતનું ખાસ ધ્યાન રાખજો. એક: ખીસામાં જેટલી પણ રકમ હોય એ બધી જ રકમ પ્રભુ સમક્ષ મૂકી દેજો અને બે એરકમ મૂકતાં મનમાં જરાય ખચકાટ ન અનુભવશો.”
મહારાજ સાહેબ, પૈસા બચાવવાના કે પૈસા કમાવાના નહીં પણ પુણ્ય બાંધવાના પિતાજીએ આપેલ આ સુંદર સંસ્કારોનું જ એ પરિણામ છે કે સંપત્તિનો સંવ્યય કરતા રહેવાની તક જ્યાં પણ દેખાય છે ત્યાં પળના ય વિલંબ વિના પૂર્ણ પ્રસન્નતા સાથે માત્ર હું જ નહીં, અમે ત્રણે ય ભાઈઓ એ તકને ઝડપીને જ રહીએ છીએ. આશીર્વાદ આપો આપ કે સવ્યય કરતા રહેવાના આ સંસ્કાર અમારા સમસ્ત પરિવારમાં સદાય ધબકતા જ રહે.
સત્કાર્યોમાં સંપત્તિનો સવ્યય કરતા રહેવાનું જેમને લગભગ વ્યસન જ પડી ગયું છે એવા એક ભાઈ મારી સામે જ બેઠા છે. એમના આવા ઉદાત્ત સ્વભાવની હું એમની સમક્ષ દિલ દઈને પ્રશંસા કરી રહ્યો છું ત્યારે એ ભાઈ પૂરી નમ્રતા સાથે મને પોતાના
