Agam 38 Chhed 05 Jitkalpa Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 13

(३८-२) पंचकम्पभास पंचम छेयसुतं
[५]
*********** संजमे इत्तियावरे ॥७ ॥३॥ वालए वागए चेव चम्मए पट्टए तहा। पम्हए किमिए चेव धातुए मीसतेति य ||८ ||४|| उवसंपया चरित्तस्स, चरित्ते कइविहे इय? | नियंठा कति पण्णत्ता ?, कहं समोतारणातिय || ९ ||५|| ववहारे कस्स पण्णत्ते ?, कहं पडिसेवणाविय ?। देसभंगे कहं वुत्ते ?, सव्वभंगेत्तियावरे || १० ||६|| पच्छित्ते कइविहे वुत्ते, छट्टाणित्तियावरे | पंचट्ठाणे चतुट्ठाणे, तिट्ठाणे इतियावरे || ११ ||७||० छट्टाणे दंसणे वत्ते, संजमे इत्तियावरे । गाहणा य चरित्तस्स, एमेता पडिवत्तिओ ॥ १२ ॥८॥ कप्पो उ होति दुविहो जिणकप्पो चेव थेरकप्पो य । दुविहो उ कप्पिओ खलु दव्वे भावे य णायव्वो ||९|| आगमणो आगमओ दव्वम्मी कप्पिओ भवे दुविहो । आगमतोऽणुवउत्तो णोआगमतो इमो होति ||६०|| जाणगसरीर भविए तव्वतिरित्ते य होति णायव्वो । जाणग भयगसरीरं भविओ पुण सिक्खिही जो तु || १|| वतिरित्तो एगभवो बद्धाऊ अभिमुहो य बोद्धव्वो । भावेवि होति दुविहो आगमणो आगमे चेव ||२|| आगमओ उवउत्तो णोआगमओ य पिंडमाईणं । गहणंमि कप्पिओ खलु पव्वावेतुं च सेहाणं ॥ ३॥ जं जं जोग्गं जतीणं आहारादी तहेव सेहा य। एवं तु कप्पणिज्जं अपरिग्गहणा अकप्पम्मि ॥ १३ ॥४॥ आहारि पलंबादी सलोममजिणादि होति उवहीए । सेज्जाए दगसाला अकप्प सेहा य जे अन्ने ॥५॥ केरिसयं कप्पणिज्जं ? फासुयगं, फासूयं तु केरिसगं ? । जीवजढं जं दव्वं तंपि य जं एसणिज्जं तु ॥६॥ दसदोसविप्पमुक्कं गहिय चसद्देण उग्गमादीवि । एयं तु साहुजोग्गं गिण्हंतो संजतो होति ||७|| अहवा सत्तरसविहो संजम जं वावि सुत्तछंदेणं । भुंजति आहाराती विवरीयमसंजमो होइ ||८|| आहारस्स उ भेदो उसणादी उवहिणो उ वालादी । एतेंसि तु परूवण वालयममादीणिमा होति || १४ || ९ || वालेहिं णिप्फण्णं वालयमोणोट्टियादिगं होति । वक्केहि तु णिप्फण्णं वागज सणवक्कमादीगं || ७० || चम्मं चम्मपडीए पट्टो उण होतिमो मुणेयव्वो । पल्लत्थोग्गहपट्टा तिरीउपट्टो य एमादी ॥१॥ पम्हज हंसगब्भादि अहवा कप्पासियं मुणेयव्वं । कोसेज्जपट्टमादी जं किमियं तू पवुच्चति ||२|| छुब्भति वंसकरिल्लो कंमिवि देसंमि तरुणते घडए । वट्टं तो पूरयती तं घडयं चिप्पिए तंमि ||३|| संकोहेऊण कणयं तेहिं तम्हा उ किज्जए सुत्तं । तेणं वयं जं वत्थं भण्णति तं धातुतं णाम ||४|| दुगसंजोगादीहिं एएसिं चेव वालयादीणं । तं मीसयंति भण्णति जह ऊमक्खो (दुण्हं खो) म्हियादीयं ||५|| वत्तव्व चसद्देण भेयपभेदा उ जेत्तिया तेसिं । सुद्धेहेतेहिं तू उवसंपण्णो हु सचरित्ती ॥६॥ अहवा पंचविहातो उवसंपय होतिमा समादेणं । सुय सुहदुक्खे खेत्ते मग्गे विणए य बोद्धव्वा ॥७॥ अहवा तिविहुवसंपय णाणे तह दंसणे चरित्ते य । चरितं च कतिविहं तू पंचविहं तं इमं होति ||८|| सामइयं छेदुवट्ठावणं च परिहारसुद्धियं चेव । तत्तो य सुहुमरागं अहखायं चेव बोद्धव्वं ||९|| अहवा वयसमितादी सराग तह वीतरागमहवावि । खाइग खओवसमितं उवसमियं वा भवे तिविहं ||८०|| भेदा उ चसद्देणं होति इमे णाणदंसणाणं तु । खाइय खओवसमियं दुविहं णाणं मुणेयवं ॥१॥ खइयं केवलनाणं खओवसमियाई सेसणाणाई। खइयं खओवसमियं उवसमियं दंसणं तिविहं ||२|| कस्सेतं चारित्तं ? णियंठ तह संजयाण, ते कतिहा ? | पंच नियंठा पंचेव संजया होतिमे कमसो || ३ || पुलए बउस कुसीले होति णियंठे तहा सिणाए य । एएसिं एक्वेक्को पंचविहो होति बोद्धव्वो ॥४॥ णाणपुलाए तह दंसणे य चारित्त लिंग अहसुहुमे । एसो पंचविहो खलु पुलयणियंठो मुणेयव्वो ||५|| आभोगमणाभोगे तह संवुडऽसंबुडे अहासुहुमे। एसो पंचविहो तू बउसणियंठो ॥६॥ दुविहो होति कुसीलो पडिसेवणया तहा कसाए य । एक्केक्का पंचविहो परूवणा तेसिमा होति ||७|| णाणपडिसेवणाए दंसण चरणे य लिंगे असुमुहे । पडिसेवणाकुसीलो पंचविहो एस णायव्वो ॥ ८॥ णाण कसायकुसीले दंसण चरणे य लिंग अहसुहमो । एस कसायकुसीलो पंचविहो तू मुणेयव्वो ॥ ९ ॥ पढमगसमयनियंठे अपढम चरिमे व तह अचरिमे य । तत्तो य अहासुहुमे पंचमए होति णायव्वो ||१०|| पंचविहे सिणाए तू अच्छवी तह असबले अकम्मंसे । संसुद्धणाणदंसणधरे य होती उत्थे तु || १ || अरहा जिणे य केवल अप्परिस्सावी य होति पंचमए। एते पंच विकप्पा सिणायस्सा तु होति णायव्वा ॥ २ ॥ पंचविह संजतावी सामाइय छेउवट्ठ परिहारे । सुहुमे य अहक्खाए एक्वेक्के ते पुणो दुविहा ||ल० १७० ॥ ३ ॥ इत्तरिए आवकाही सामाइयसंजए भवे दुविहो। दुविहे य छेउवट्ठो सऽतियारे णिरतियारे य ||ल० १७१॥४॥ परिहारविसुद्धीए णिव्विसमाणे तहेव निव्विट्टे । दुविहे य सुहुमरागे संकिस्संते विसुज्झते ॥ ल० १७२ || ५ || अहखाओविय दुविहो छउमत्थो चेव केवली
COOK श्री आगमगुणमंजूषा - १४६७
GRO