Agam 38 Chhed 05 Jitkalpa Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 70

GRO
(३८-२) पंचकप्पभास पंचम छेयसुत्तं
[६२]
वोच्छं समासेणं ||४|| दुविहे विहारकाले तिविहा सोही उ उवहिभत्ताणं । दिण्णे जतंत सोही अविदिण्णठ्ठाऍ आवण्णे || १६८|| ५ || उदुबद्धे वासासु य विहारकालो उ होइ दुविसो । उग्गम उप्पायण एसणा य एसा तिविह सोही ||६|| उदुबद्ध मास वासासु होति चउरो विदिन्नकालो उ। एत्थ जयंता जइवि हु आवज्ने तहवि सुद्धा उ ||७|| मासा चउमासा पुण संवसमाणा उ तत्थ अतिरित्तं । म (ल) ग्गति जयंतावि हु किमु अजयंता उ ? किंचऽण्णं ||८|| उदुबद्धवासवासं अणुवसमाणो असुद्ध भत्तुवही । आयरियप्पमाणा गुणप्पमाणं च समणाणं || ९ || उग्गममादी दोसा असेवमाणोवि सो उ आवण्णशे । जम्हा दोसांयतणं उरम्मि थावेत्तु संवसति || २४७०|| कत्थेयं भणियंतिय ? भन्नति आयरिएण किमायारे ? आयारपकप्पे ऊ आयारि भवंतु आयारी ||१|| जे भिक्खु णितियवासं वसंइत्ती एत्थ भणिय सुत्तम्मि । एवं पमाण उभये अरिते यावि जे दोसा ||२|| जदि पुण बहिया हाणी तहिं वड्डि गुणाण तत्थ अच्छंति । के पुण गुणादि भणिया ? भन्नति नाणादिया होति ||३|| कालातीते दोसा दव्वक्खओ होइ अच्छमाणाणं । तम्हा उण चिट्टिज्जा अतिरित्तं दुविहकालम्मि ||४|| निद्दय अणुकंपाए गिहिणं तो णाम ण वसहा तुब्भे भण्णति ण होति एवं मा साहूणं चरणभेदो ||१६९||५|| चोदेताहारादिसु सुज्झतेसूऽवि णाम जं तीए । तत्थ ण चिठ्ठइ तण्णाम णिद्दयत्तेण गहियाणं ||६|| मा पाविहिति धम्मं गिहिणो साहूण 'फासुदाणेणं । इय णिद्दयता अहवाइहलोगणुकंपया तेसिं ॥ ७॥ मा दव्वखओ होही अणुवासे णिच्चसाहुदाणेणं । इय अणुकंपिहलोए भण्णइ ण उ एवमादीहिं ॥ ८ ॥ मा होज्न चरणभेदो पुणातीतंमि संवसंताणं । अतिचिरसंवासेणं सिणेहमादीहिं दोसेहिं ||९|| एसो उ कालकप्पो एवं वक्खाणिओ समासेणं । अहुणा उ उवहिकप्पं गुरूवरसेण वोच्छामि ॥२४८० ॥ उवगेण्हति उवकारं करेइ उवहीयतेण उवही उ। किं कारणं तु उवही उद्दिसिओ ? भण्णती सुणसु ॥ १ ॥ जीवाणऽणुग्गहठ्ठा एवं खलु वन्निओ इहं तित्थे । काऊणऽणुग्गहपदं पडिणीयपदे अभावो उ ॥२॥ रसयादणुकंपठ्ठा अगणीमादीण चेव रक्खठ्ठा । असहूणऽणुकंपठ्ठा य उवहीयहणं जा ||३|| आह जहऽणुगहठ्ठा वत्थादीगहण देसियं समए । तो असहूणं कम्हा थीपरिभोगो ऽणुण्णाओ ? || ४ || भण्णइ पवित्ति कम्हिऽवि कम्हिऽवि पुण होति अपवित्ती उ । संजमपडिणीयत्ता मेहुणमादीण नाणुण्णा ॥ ५॥ नाणचरणठ्ठियाणं उवग्गहं कुणति नाणचरणाणं । आहारउवहिसेजजा तेण उ उवहित्तणं बेति ||६|| जस्स पुणोवहि गहिता उवघातकरी उ तस्स उवघातो। कह उवघात करेती ? अइरित्तगहो य मुच्छा य ||७|| संथरमाणो गेण्हति अतिरित्तं उवहि जो भवे समणो । वण्णादिजुते मुच्छति इठ्ठाहारे धुवस्सेवं ॥ ८ ॥ एतेसु अणिठ्ठेसु य जो दुस्सति से करेस उवघातं । नाणादीणं तिण्हं तम्हा ते वज्जिए हेतु ॥९॥ जो जत्थ जदा जहियं उवही परिभोगओ अणुण्णाओ । सो तत्थ अणइचारो अणणुण्णाते चरणभेदो || २४९० || जह सिंधूओ कप्पो ओराला उण्णिया अणुण्णाता । पिसियादीण य गहणं खीरादीणं चऽणुण्णातं ॥१॥ अतिहिमदेसे य तहा कारणितगताण सिसिरकालम्मि । परिभुंजंताण य को विवाद ? चरणे अणुवघातो ||२|| लाडविसयादिएसं एतेसिं चेव भोत्तुं पडिसेहो । पडिसिद्धे परिभोगं कुणमाणो भंजती चरणं || ३ || नाणंपि उ सो भिंदइ उवदेसं जेण ण कुणती तस्स । जं नाणपुव्व दंसण दंसणभेदावि तो तेणं ||४|| निवदिक्खितमतरंतादिएसु कज्जेसु होइ परिभोगो । समणुन्नाओ कसिणादियाण इहरा अणुवभोगो || ५ || एसो उ उवहिकप्पो अहुणा संभोगकप्प वोच्छामि । तस्स पसाहणहेंउ गाहासुत्तं इमं आह ||६|| गवि राया णवि दोसा संभोगविही उ वण्णिओ सुत्ते । नाणचरणठ्ठियाणं भणियं सुयनाणपुरिसेहिं ॥ १७०||७|| रागेणं संभुंजति सिणेंहओ तेहिं सद्धिं मम पीती । जच्चादणुवसमे (गे) ण व दोसेणेवं ण संभुंजे ||८||| नाणचरणे रयाणं एसुवदेसो उ वण्णिओ सत्था । तं गणहरेहिं गहियं तो ते सुतनाणपुरिसाउ ||९|| किं कारणं अणुण्णा ? संभोगविही उ एस साहूणं । भण्णइ नाणादीणं परिवड्डी एव होहिति तु || २५०० || अण्णोऽण्णस्स सगासे नाणमहीहिति
तंगहिता । होहिति थिरा चरणे कार्हिति गिलाणकिच्चं च ॥१॥ जति संभोगगुणा ते ता सव्वे कीस ण परिभुज्जंति ? | भण्णति सरिसऽ हिगेहिं व संभोगोण पुण हीणेहिं ॥२॥ अत्थि पुण केइ पुरिसा तिगंतिगेणं पमाय कुव्वंति । आहारउवहि सेज्जा जुत्तों संभुंजणाबंध || १७१ ||३|| आहारादीतियगं उग्गममादी असुद्धगहणेणं । जे कुव्वंति पमादं तेसिं संवासदोसेणं ||४|| अणुमोदणपच्चतिओ मा बंधो होहितित्ति तेणं तु । णवि कीरइ संभोगो तेवि य चगि (विग ) ता वरं होता ||५|| णणु
Heron श्री आगमगुणमंजूषा १५२४YO