Agam 38 Chhed 05 Jitkalpa Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 45

(३८-२) पंचकम्पभास पंचम छेयसुत्तं [३७]
कुणमप्पमाय आयवस्सएहिं संजमतवोवहाणेहिं । णिस्सारं माणुस्सं दुल्लभलाभं वियाणित्ता ||ल० ९६ ||८|| तिव्वकसायपरिणता परपरिवादं च मा करेनाह । अच्चासायणविरता होह सदा संजमरता य || ल० ९७|| ९ || सुस्सूसगा गुरूणं चेइयभत्ता य विणयजुत्ता य । सज्झाए आउत्ता साहूण य वच्छला णिच्चं ||ल० ९८||१४१०|| एस अखंडियसीलो बहुस्सुतो य अपरोवतावी य । चरणगुणसुठ्ठियत्ति य धण्णा (ण्ण) णयरीते (ति) घोसणगं || १ || बाढंति भाणिऊणं एवं मे मंगलंति जंपंता । आणंदअंसुपादं मुच्छंति गुणे सरता से ॥ २॥ कतरे गुणा उ तस्स जे सुमरंता तु तस्स ते सीसा ? । भण्णति इणमो सुणसु ते भण्णंते समासेणं ||३|| सव्वस्सदायगाणं समसुहदुक्खाण णिप्पकंपाणं। दुक्खं खु विसहिउं जे चिरप्पवासो गुरूणं च || ल० ९९|| ४ || सीलड्डुगुणड्डूहि य बहुस्सुएहि य अपरोवतावीहिं । पवंसंतेहिं मएहिं देसाते खंडिया होति ||ल० १०००||५|| अणुसट्ठि दाऊणं तहिं पसत्यम्मि तिहिमुहुत्तम्मि । अह सण्णिहितं संघं असति गणं तं समाहूय ||६|| जिणवरपादसमीवे पडिवज्जे गणधराण व समीवे । चोद्दसपुब्वी तह चेइए य असतीय वडमादी ||७|| थामाव (वासावि) हारविजढा काउं गहणं च गाएणं चेव । सुत्तत्थझरियसारा गेण्हंति अभिग्गहे धीरा ॥ ८॥ जिणकप्पियपाउग्गा अभिग्गहा गिण्हती पण अन्ना उ । जिणकप्पो केरिसस्सा कप्पति पडिवज्जिउं ? सुणसु ॥ ९ ॥ कप्पे सुत्तत्थविसारयस्स संघयणविरियजुत्तस्स । एतारिसस्स कप्पति पडिवज्जिउ होति जिणकप्पो || १४२०|| जिणकप्पे संघयणं भणितं पढमं तु होति णियमेण । विरियं तु भण्णति धिती तीऍ जुतो वज्जकुड्डसमो ॥१॥ कोति पुण ण पडिवज्जे सो पुण रियमाउ कारणेहिं तु । काणि पुण कारणाणि य ? इमाई ताई णिसामेह ||२|| देहस्स दुब्बलत्तं आयरियाणं च दुल्लभपसादा। रोग पडिबंध न सहति सीउण्हादी य पडिभागी || ११||३|| सुत्तत्थाणिवि घेत्तू दुब्बलदेहो तु तं ण चाएति । गुरूणंच अणुकूलत्तणणाराहिओ सूरी ||४|| आयरिया अपसण्णा सुत्तपसायं तु ते ण कुव्वंति। णाहीतं तेण सुतं जावइएणं तु पज्जतो ||५|| सोलसविहरोगाणं अंहवा गाढं अभिद्दुएणं तु। णाधीतं होज्ज सुतं ते य इमे वण्णिता रोगा ॥६॥ कासे सासे जरे दाहे, जोणीसूले भगंदले । अरिसा अजीरए दीट्ठी, मुद्रसूले अकारए ||७|| अच्छ तह कण्णवेयणा कंडु कोढ दगऊरं (सरए)। एते ते सोलसवी समासतो वण्णिता रोगा ||८|| अण्णो पडिबंधेणं गुरुकुलवासं ण चेव आवसई । तेणं णाहिज्जति ऊ के पुण पडिबंधिमे सुणसु ॥९॥ सो गामो सा वइया तं भत्तं भद्दओ जणो जत्थ । एताइं संभरंतो गुरुकूलवासं ण रोएती ॥ १४३०|| सक्कारो संमाणो पुज्जइ मे भोईओ हिं गामे। आयरिओ महतरओ एरिसता से (मे) तहिं सड्डा ॥१॥ सच्छंद्वाणणिवज्जणस्स सच्छंदरहितभिक्खस्स । सच्छंदजंपियस्स य मा मे सत्तूवि एगागी |ल० १०१||२|| एएहि ऊ अभागी सीताईणं ण देति उ उरं तु । तो णाहिज्जति सो ऊ गुरुकुलवासं असेवंतो ॥३॥ एतेहिं ण पडिवज्जे अणुसट्ठी दारिघं परिसमत्तं । का पुण सामायारी जिणयप्पे होतिमा सा तु ||४|| खेत्ते काल चरित्ते तित्थे परियाग आगमे वेदे । कप्पे लिंगे लेस्सा गणणा जाणे यऽभिग्गाहे ||५|| पव्वावण मुंडावण मणसाssवण्णेऽवि से अणुग्घाता। कारण णिप्पडिकम्मे भत्तं पंथो य ततियाए ||६|| एसो जिणकप्पो खलु समासतो वण्णितो सविभवेणं । एत्तो उ थेरकप्पं समासओ
साहि ||७|| तिविहम्मि संजमम्मि उ बोद्धव्वो होति थेरकप्पो तु। सामइयछेदपरिहारिए य तिविहम्मि एयम्मि ॥ ८॥ ठिय अट्ठिए व कप्पे सामाइयसंजमो (ओ) मुणेयव्वो । छेदपरिहारिया पुण णियमाओ होति ठितकप्पे ||९|| एतेसु थेरकप्पो जह जिणकप्पीण अग्गहो दोसु । गहणं चऽभिग्गहाणं पंचहिं दोहिं च ण तह इहं ॥१४४०॥ बाले वुड्ढे सेहे अगीतत्थे णाणदंसणप्पेही । दुब्बलसंघयणम्मि य गच्छं पइ णेसणा भणिता ||१|| जहसंभवं तु सेसा खेत्तादि विभासियव्व दारा उ । उवरिं तु मासको वित्थतो विभासते तेसिं ॥ २ ॥ इति एस थेरकप्पो एत्तो वोच्छामि लिंगकप्पं तु । तहिय तु लिंगकप्पो इणमो जिणकप्पे भवती तु ॥ ३ ॥ रूढनहकक्खण (णि) यणो मुंडो दुविहोवही जहण्णोसिं। एसो तु लिंगकप्पो णिव्वाघातेण णायव्वो ||४|| रयहरणं मुहपोत्ती संखेवेणं त दुविह उवहि उ। वाघातो विकिलिंगे पमेहे उ कडिपट्टो ||५|| दुविहा अतिसेसाविय तेसि इमे वण्णिता समासेणं । बाहिरऽब्भंतरगा तेसि विसेसं पवक्खामि ||६|| वाहिरगो सरीरस्सा अतिसेसो तेसिमो उ बोद्धव्वो । अच्छिद्दपाणिपातो वइरोसभसंघयणधारी ||७|| अब्भंतरमतिसेसो इमो उ तेसिं समासतो भणिओ । उयहीविव अक्खोभो सूरो इव तेयसा जुत्तो ॥ ८॥
69
Toon श्री आगमगुणमंजूषा - ROYOR