Agam 37 Chhed 04 Dashashrutskandh Sutra Shwetambar

Author(s): Purnachandrasagar
Publisher: Jainanand Pustakalay

Page 12

॥ श्रीदशाश्रुतस्कंधसूत्र॥
नमो अरिहंताणं नमो सिद्धाणं नमो आयरियाणं नमो उवझायाणं नमो लोए सव्वसाहूणं (१०) एसो पंचनमुक्कारो, सव्वपावप्पणासणो। मंगलाणं च सव्वेसिं, पढम हवइ मंगलं (प्र०॥१॥) सुयं मे आउसंतेणं भगवया एवमक्खायो। इह खलु थेरेहिं भगवंतेहिं वीसं असमाहिठाणा पन्नत्ता, कयरे खलु ते थेरेहिं भगवंतेहिं वीसं असमाहिठाणा पं०?, इमे खलु ते थेरेहिं भगवंतेहिं| वीसं असमाहिठाणा पं० २०-दवदवचारी यावि भवति, अप्पमज्जियचारी यावि०, दुप्पमजियचारी यावि०, अतिरित्तसेज्जासणिए, रायणियपरिभासी, थेरोवघाइए, भूतोवधातिए, संजलणे, कोहणे, पिठ्ठिमंसिए यावि० १० अभिक्खणं अभिक्खणं ओघारित्ता, णवाई अधिकरणाई अणुप्पण्णाई उप्याइया यावि०, पुराणाई अधिकरणाई खामितविउसविताई उदीरित्ता, अकाले सज्झायकारी यावि०, ससरक्खपाणिपादे, सहकरे, झंझकरे, कलहकरे, सूरप्पमाणभोई, एसणाइ असमिए यावि भवति २०, एते थेरेहिं भगवंतेहिं| वीसं असमाहिट्ठाणा पनत्त ति बेमि॥२॥ असमाधिस्थानाध्ययनं१॥
सुयं मे आउसंतेणं भगवया एवमक्खायं इह खलु थेरेहिं भगवंतेहिं एकवीसं सबला पं०, कयरे खलु०?, इमे खलु० २०॥श्रीदशाश्रुतस्कंधसूत्र।
पू. सागरजी म. संशोधित