Agam 37 Chhed 04 Dashashrutskandh Sutra Shwetambar

Author(s): Purnachandrasagar
Publisher: Jainanand Pustakalay

Page 22

www. kobatirth.org
निस्सीला निग्गुणा णिम्मेरा निष्पच्चक्खाणपोसहोववासी असाहू सव्वाओ पाणाइवायाओ अप्पडिविश्या जावजीवाए एवं जाव सव्वाओ कोहाओ सव्वाओ माणाओ सव्वाओ मायाओ सव्वाओ लोभाओ सव्वाओ पेज्जाओ दोसाओ कलहाओ अब्भक्खाणाओ पेसुनाओ परपरिवादाओ अरतिरतीओ सव्वाओ मायामोसाओ मिच्छादंसणसल्लाओ अप्पडिविरया जावजीवाए सव्वाओ | कसायदंड (त) कट्टण्हाणुव्वट्टणमंगणवण्णयमद्दणविलेवणसद्दफरिसर सरूवगंधमलालंकाराओ अप्पडिविरया जावजीवाए सव्वाओ | सगड रह जाणजुग्गगिल्लि थिल्लि सीयासंदभाणियासयणासणयाणवाहणभोयणपवित्थर विधीतो अप्पडिविरया जावजीवाए असमिक्खियकारी सव्वाओ आसहत्थिंगोमहिसगवेल्यदासीदासकम्मकरपुरिसाओ अप्पडिविरया जावजीवाए सव्वाओ | कयविक्रयमासद्धमासरूवगसंववहाराओ अप्पडिविरया जावजीवाए सव्वाओ हिरण्णसुवण्णघणघण्णमणिमुत्तियसंखसिलप्पवालाओ | अप्पडिविश्या जावजीवाए सव्वाओ कूडतुलकूडमाणाओ अप्पडिविरया सव्वाओ आरंभसमारंभाओ अप्पडिविरया सव्वाओ | पयणपयावणाओ अप्पडिविरया सव्वाओ करणकारावणाओ अप्पडिविरया सव्वाओ कुट्टणपिट्टणतज्जणताडणवधबंधपरिकिलेसाओ अप्पडिविरया जाव जीवाए जे यावण्णे तहष्पगारा सावज्जा अबोहिया कम्ता परपाणपरियावणकडा कज्जंति ततोवि अप्पडिविरया | जावजीवाए से जहानामए के पुरिसे कलमसूर तिलमुग्गमासनिष्फावकुलत्थ अलिसंदगजवएवमादीहिं अयते कूरे मिच्छादंडं पउंजइ एवामेव तहम्पगारे पुरिसजाए तित्तिरवट्टगलावगकपोतकपिंजल मिगमहिसवराहगोगोह कुम्मसरीसिवाइएहिं अयते कूरे मिच्छादंडं ॥ श्रीदशाश्रुतस्कंधसूत्रं ॥
पू. सागरजी म. संशोधित
११