Agam 37 Chhed 04 Dashashrutskandh Sutra Shwetambar

Author(s): Purnachandrasagar
Publisher: Jainanand Pustakalay

Page 49

www. kobetirth.org
अभिगतजीवाजीवे उवलद्धपुण्णपावे जाव फासुएसणिज्जेणं असणपाणखाइमसाइमेणं पडिलाभेमाणे विहरिस्सामि, से तं साहू, एवं खलु समणाउसो! निग्गंथो वा निग्गंथी वा निदाणं किच्चा तस्स ठाणस्स अणालोइय जाव देवलोएसु देवत्ताए उववत्तारो भवंति, से णं ताओ देवलोगाओ आउक्खएणं जाव आसगस्स सदति?, तस्स णं तहप्पगारस्स पुरिसजातस्स जाव हंता सद्दहिज्जा, से णं सीलवयजावपोसहोववासाइं पडिवजेजा?, हंता पडिवजेजा, से णं मुंडे भवित्ता आगाराओ अणगारियं पव्वइज्जा?, णो इणढे समढे, से णं समणोवासए भवति अभिगयजीवाजीवे जाव पडिलामेमाणे विहरति, से णं एयारूवेणं विहारेणं विहरमाणे बहूणि वासाई समणोवासगपरियागं पाउणइ त्ता आबाधंसि उप्पण्णंसि वा अणुप्पन्नंसि वा बहूई भत्ताई पच्चक्खाइ त्ता बहूई भत्ताई अणसणाए छेदेति त्ता आलोइयपडिक्कते समाहिपत्ते कालमासे कालं किच्चा अण्णयरेसु देवलोएसु देवत्ताए उववत्तारो भवंति, एवं खलु समणाउसो! तस्स निदाणस्स इमेयारूवे पावफलविवागे जं णो संचाएति सव्वओ मुंडे भवित्ता अगाराओ अणगारियं पव्वइत्तए १५३१ एवं खलु समणाउसो! मए धमे पण्णत्ते जाव से य परक्कममाणे दिव्वमाणुस्सएहिं कामभोगेहिं निव्वेयं गच्छेज्जा, माणुस्सगा खलु कामभोगा अधुवा जाव विप्पजहणिज्जा, दिव्यावि खलु कामभोगा अधुवा जाव पुणरागमणिज्जा, जइ इमस्स तवनियम जाव वयमवि आगमेसाणं जाई इमाई कुलाई भवंति तं०-अंतकुलाणि वा पंतकुलाणि वा तुच्छकुलाणि वा दरिदकुलाणि वा किविणकुलाणि वा भिक्खागकुलाणि वा एएसिंणं अण्णतरंसि कुलंसि पुमत्ताए पच्चायंति, एस मे ॥श्रीदशाश्रुतस्कंधसूत्र।
पू. सागरजी म. संशोधित