Agam 05 Ang 05 Bhagvati Vyakhya Prajnapti Sutra Churni

Author(s): Sthaviracharya, Rupendrakumar Pagariya
Publisher: L D Indology Ahmedabad

Page 47

३६
भगवतीचूर्णिः मिच्छाद्दिट्ठी मिच्छादिट्ठिणो वा । अण्णाणी काययो० । सागाराणागारेसु अट्ठभंगा , सरीर, वण्ण, संठाणं पोग्गलाणं जहा जीवदव्वं सुद्धमवण्णादि उस्सासो निस्सासो य पज्जत्ता समोहताणं अपजत्तसमोहताण णो उस्सास-णिस्सासो अस्थि । एगत्ते ३ बहुत्ते ३ दु ३ तत्थ १२ तियसं १ तत्थट्ठ ८ सव्वे छव्वीसं । आहाराणाहारए, आहारादिसु सण्णासु चउसु असीति । पुव्वहं कोहादिसु असीति । वेद णपुंसगवेदवत्ते तिसु मूलट्ठाणेसु छव्वीसं । सण्णाए असण्णी इंदिएसु एरिसं ॥छ।।
उप्पलमुप्पलत्तेण चेव जहं० अंतोमुहत्त, उक्कस्सेणं पुढविकालो । अण्ण वणप्फति असंकता उप्पलजीवो । ततो पुढविं संधरितो । पुणरवि पुढवीतो उप्पलं गतो, गति-आगतिए भवग्गहणेणं ण आउय गहणं जहं० दे० भवगहणाणि । एत्थ उववण्णो वेट्टो चेव उ असं० भवग्गहणाणि कालो देसेणं जहण्णा अंतो मु.उक्कस्सेणं पुढविकालो । एवं जाव वाउजीवट्ठाणागमणं । सेस वणस्सतीए उक्कसेणाणंतं विसेसो । बेइंदियादिगमणागमणे संखेजातिं भवग्गहणाणि । पंचेंदियतिरिय-मणुस्सेसु भवे उक्किटुं सत्तट्ट काले पुव्वकोडिपुहत्तं । आहारो छ द्दिसिं । द्विती जहण्णा अंतोमुहुत्तं, उक्क० दसवाससहस्सा । समुग्घाता तिण्णि । वेदणा, कसाय, मारणंतिया । मारणंतिएण केति सरीरपदेसे णिच्छुभित्तूण उपसंहारं च कातूण मरंति । केति पक्खिदिट्टतेणं गच्छंति । उवट्टणा तिरिय-मणुएसु संखाउएसु उप्पलस्स मूलादि सव्वे असकृत् । अनंतसस्समुत्पन्ना सव्वे जीवा । एवं सालुयादि मुणेजा ॥छ।।
“कतिविहे भंते ! लोगे पण्णत्ते ? गोयमा ! चउब्विहो । दव्व, खेत्त, काल, भाव । लोगणालीमलिहितूण खेत्तलोगं वक्खाणेति पढमं । सो तिहा अहेलोय, खेत्तलोए सो सत्तहा रतणादी । तिरियलोगो-दीव-समुद्दलक्खणेगहा । उड्डलोगो बारसकप्पा । गेवेज-अणुत्तर-तीसिपब्भारा ।१५।।
__ अहोलोगो तप्पागारो । तिरियलोगो उड्डलोगो सव्वो सुपतिट्ठागारो । अलोगो झुसिर-गोलगसंठाणो । जहा कीडाछगलगोल-मज्झ-झुसिरं । एवं अलोयातो लोगो समुद्धरितो । सेसयं अलोगस्स रूवं । अ० अहोलोगे खेत्तलोगे पुच्छा, जीवा जीवदेसा, जीवपदेसा, अजीवा अजीवदेसा, अजीवपदेसा । सपुण्णो जीवो । देसो तस्स अवयवो य । देसो तप्परमाणू सव्वे अहोलोगे अत्थि । णवरं अरूवीण देस-पदेसा । एवं ति पदेसा एवं तिरियलोग, खेत्तलोए, उड्डलोए य । अद्धा समयवजं लोए सव्वे संति धम्मत्थिकायादीणं संपुन्नदेसत्तं चेवत्थि । पदेसो समुवचरितो सो ण एत्थ संपुण्णो संभवति ।