Agam 05 Ang 05 Bhagvati Vyakhya Prajnapti Sutra Churni

Author(s): Sthaviracharya, Rupendrakumar Pagariya
Publisher: L D Indology Ahmedabad

Page 112

भगवतीचूर्णिः
एवं भवसिद्धियजीवो णेरयादिसु पुव्वपदेहिं विसेसितो णेयव्वो वेमाणियंतो २५।९ छ । । अभवसिद्धिएण वि ।२५।१०॥छ। सम्मदिट्ठिणा वि ।२५।११॥ मिच्छदिट्ठिणा वि ।२५।१२॥ पणुवीसतिमं सतं सम्मत्तं ।छ।
जीवेणं भंते ! पावद्धी अतीतकाले बंधति वट्टमाणे बंधिस्सति ? एस काले उहितकाले उहितजीवे णव चत्तारि वि भंगा संति । एरिसा जे ते कालिया ते वि बंध ति जो तो अभव्वादि सो जो खवगो भविस्सति तत्थ बितितो भंगो । उवसामतो ततितो । केवलिभवत्थो पाएण भवति । एक्को अट्ठहिं कम्मेहिं अट्ठ तव्वा । णवदंडगसंगहितो एक्के को होति उद्देसो।
जीवा य लेस्स पक्खिक, दिट्ठी णाणे तहेव अण्णाणे । सण्णा वेय कसाए, उवतोगे चेव जोगे य ॥१॥
सलेस्सो पावकम्मुणा चतुसु बंधादिसु मग्गिजति । तत्थ जाव भवत्थकेवली ताव लेस्सातो संभवंति । तेण चत्तारि वि भंगा । कण्हलेस्सा भेदे आदिल्ला दो। जतो उवसमखवगेसु सा णत्थि तहा जाव पम्हतो चादिल्ल दुगं । सुक्का चतुसु वि संभवति । सेलेसिसिद्धा अलेस्सा । तेसु अंतिमो कण्हपक्खितो उवट्टस्स पोग्गलपरियट्टस्स जो परतो सिज्झिस्सति तत्थ पढम बितिता अत्थसिद्धी । सुक्कपक्खितो वट्टमाणसमतारद्धो पोग्गलपरियट्टअन्भिंतरसिद्धीतो । तत्थ भवत्थकेवलि अंतपरिग्गहो कतो तेण चतुभंगो । एवं सम्मद्दिट्टी पदे वि । मिच्छत्त-सम्मामिच्छा जातो उवसम-खवगावत्थातो ण पावेंति तेणारिल्ल दुगं । णाणेसु चतुसु वि ठाणाणि चत्तारि, जतो लब्भंति तेण भंगो केवलणाणं णियमा अंतिम भंगे । अण्णाणि उवसम-खवगावत्थातो ण पावंति । अतो आदिदुगं । आहारादिसु चउसु वट्टमाणो उवसम खवगठाणारुहो जेण तत्थ णोसण्णा णाणसण्णाणि य, जति वि वेदणिज्जातो आहारसण्णा, तहा वि तत्थ लोभक्खतातो उवसम्मातो वा गेही पत्थि । अतो दुगमादिल्ल णोसण्णाए णाणस्सण्णाए । जतो सावग साहुणो वि उवउत्ता चउभंगो । सवेदया इत्थि-पुरिस-नपुंसयवेदता जातो । उवसामग-खवगत्ताईण पडिवजंति तेणादि दुगं । अवेदतो अप्पणिज्जयवेदं खवेत्ता उवसमेत्ता वा संजलणकोधादिसु वट्टमाणो लब्भति । तत्थ जो कालो सो तिहा कज्जति । मोहणिजं पावबंधी य लन्भति । तदंतराले तेण अवेदए चतुभंगो । सकसातो लोभेहिं जतो दुविहो सेणिपडिवण्णतो खवगो उवसामगो य । सो य