Agam 05 Ang 05 Bhagvati Vyakhya Prajnapti Sutra Churni

Author(s): Sthaviracharya, Rupendrakumar Pagariya
Publisher: L D Indology Ahmedabad

Page 113

१०२
भगवतीचूर्णिः सुहुमसंपरागावत्थाए लोभाणु वेदेति, तेण सकसायी लोभकसायी य । तत्थ जो उवसामतो सो ततिय भंगे । खवगो निस्सेसं खवेतुकामो सो चतुत्थभंगे, तेण चत्तारि भंगा । कोहातितिगे आदि दुगमेव उवसमादि असंभवातो अकसादिसव्वोवसंतखवितकसातो वा तेणंतिल्लं दुगं । सजोगिणो जाव सेलेसिं ण पडिवज्जति तेण चतुभंगो । अजोगी सेलेसिसिद्धावत्था तेणंतिल्लो सव्वसिद्धाणं सिद्धताणं, सागाराणागारा संभवंति चउभंगो । “एसो पावेण जीवो उहिउ जीवा य" गाहा-||०॥छ।
उही जीवलेस्सा पदं । सलेस्स कण्हादि छ । अलेसेहिं (... वक्खित्तं ... ) सुक्केहिं दुविहं । दिट्ठी, सम्मद्दीट्ठी मिच्छद्दिट्ठी । सम्ममिच्छदिट्ठिएहिं तिविहं । णाणपदं पंचहा-मतिआदि । अण्णाणं तिविहं-मतिअण्णाणादि । सवेदतावेदयसहितं वेदपदं पंचहा । सण्णापदं णोसण्णा सहितं पंचहा । सकसाया सकसायसहितं कसायपदं छव्विहं । उवयोगपदं, सागाराणागारभेदेण दुविहं । सजोगाऽजोग सेस ततिय सहितं जोगपदं पंचहा । एत्थ चतुसु ठाणेसु पंकादिसु जीवो मग्गितो । अहुणा णेरइतो एतेसु चेव मग्गिजति । तत्थ जीवट्ठाणे पढमं सुद्धं णेरतितो ततो चेव लेस्सादिपदविसेसितो भविस्सति । जहासंभवं एतेसिं पदाणं च अत्थजोतणा करेतव्वा । कंठा य चेवं । चउव्वीसा दंडपयादियमादि कातूणं लेस्सादिसूवजोगं तेसु सहितं खंधादिचतुट्ठाणमग्गणा कुज्जा । पढम पावेणं सव्वं णेत्तव्वं । ततो णा(णा)वरणिजादिअट्टमेण तेत्थ पावेण चेव णेरतितो मणिजति । ‘णेरतिए भंते !' त्ति । एत्थ जतो उवसमखवगट्ठाणपरिणामो णत्थि तेण तदुय णिसेहो पढमो भंगो । जो ण सिज्झिस्सति बितिए, जो उवट्टित्ता ततो सिज्झिहिति । एवं सव्वट्ठाणेहिं लेस्सा चारयस्स य विसेसिएहिं दो भंगा । णवरं लेस्सादि पदाणं णिधत संभवि विसेसा जाणितव्वा । एवं मणुस्स वजा जाव वेमाणिता । एतेसु ठाणेसु अप्पणिज्जतो संभवि विसेसा नूणं बंधादिचतुष्कादिदुगे भाणितव्वा । मणुस्सपदं जहेव जीवपदं । उहियं चतुट्ठाण विभाससंबंधे लेस्सादिविसेसगतमभिहितं तहेव णेतव्वं । छ । अधुणा एताणि चेव णाणावरणिज्जे य विपज्जसयि (...) एत्थ जीवादिपदेससव्वं सरिसतं पावेण भाणितूण णवरं सकसादिसु कतो सुहुमाणु वेदविसेसेण । इहं पुण जो छव्विहं बंधी सो णियमा णाणावरणं बंधति । उवसम-खवग-केवलिणो एते एगविह वेदणिज बंधगा आभिभंगदुगगमतो । सेसं तहेव जहा पावोहिए एवं णेरइयादिभेदविसेसाधिया वाणमंतर-णेरइयादिभेदो जहा मणुस्सपदं उहितजीवपदतुल्लं । एवं दरिसणावरणमवि । जीवेणं भंते ! वेयणिजपुच्छा । तत्थादीए जीवपदे आदिभंगो जो ण सिज्झिस्सति । बितितो अणंतरभवसिद्धितो । चतुत्थो सेलेसिपडिवण्णतो । ततितो णत्थि । जतो वेदणिज्जं ण परितूणं पुणो बंधिस्सति । सव्व