Agam 05 Ang 05 Bhagvati Vyakhya Prajnapti Sutra Churni

Author(s): Sthaviracharya, Rupendrakumar Pagariya
Publisher: L D Indology Ahmedabad

Page 114

भगवतीचूर्णिः
१०३ कम्मक्खतंतातो ण य खीणवेदणिज्जस्स पुणो गहणं सिद्धपडिवादभवातो । एवं बारससु संठाणेसु ततिय भंगविहूणा णेतव्वा । परेसंठाणा कंठा । अलेस्सातो तिसु सेलेसु सिद्धा ते अंतिमभंगगा । वेदणिजं सेस ठाणेसु पढम वितिता । एवं मणुस्सपदं । णेरइतादीणं वेमाणितंताणं पढम बितिय भंगा । वेयणिज गतं । मोहणिज्जं जहा पावं तहेवा विसेसितं । जंतो पावं तं चेव तस्स वा कसायविसेसा पावं । आउय पुच्छा-तं तिभाग छम्मासादि लक्खणो बंधति, सिज्झति । ततेण जीवपदे चतुभंगो । एवं सलेस्सो जाव सुक्कलेस्सो चतुपरिणामसंभवातो चतुभंगो । अलेस्से चरिमो भंगो । कण्हपक्खितो उवट्टोवरि सिज्झिस्सति । विरहो य संभवति । तेणादि ततिता सुक्कपक्खिपक्खितो चतुभंगो । सम्मामिच्छत्त-अवेदा कसातीसु चतुमाणसमया बंधतो आदिमा णत्थि केवलाजोगिसु तो लेस्सित्तातो चरिमो । सेसाणि मणभिहिताणि तेसु चतुभंगं । अत्थावलोगेण लभेजा । णवरं मणपज्जवं णोसण्णा णाणसण्णा एतेसु जो आउयं बंधति ठितितो सो देवलोगं गच्छति । ततो पुणो आउयं मणुस्सेसु बंधितव्वं । तेण बितितो णत्थि । णेरइय दु चतुभंगो । णवरं कण्हपक्खितकण्हलेस्सेसु जम्हा उवट्टित्ता तेण सिझंति । तेण पढम ततिता । सम्मामिच्छत्ते ततिय चतुत्था वतमाणबंधा संभवातो उव्वट्टणाणंतरसिज्झमाणातोयं असुरकुमारो जातो । कण्हलेस्सो वि उव्वट्टित्ता सिज्झति तेण चत्तारि । सेसं णेरतिते सरिसं । एवं जाव थणिताणं । पुढविकाइयाणं सव्वत्थ चतुभंगो । णवरं तेउलेस्सातो देवो उववजमाणो लब्भति । तस्समयं च आउस्स अबंधी तेण तत्थ ततितो कण्हपक्खिए तं पढम ततिया सेसपदेसु चत्तारि । एवं आउ-वणस्सतिसु वि णिरवसेस पुढविसरिसं । तेउ वाउ जओ अण्णं मणुस्सपदं ण लब्भंति । तं च चरिमट्टाणं तेणादिल्ल ततिता बितिय चउत्था णत्थि । बेइंदिय चतुरिंदियंता मणुयत्तं लक्ष्णं वि केवलं ण लब्भंति । अतो पुणो आउतबंधी भविस्सति । तेण पढम ततिया सव्वपदेसु । णवरं आभिणिबोहिय-सुतेसु ततितो जतो सासातणो उववज्जमाणेण तस्समयं बंधति । आउयं पंचिंदियतिरिक्खाणं कण्हपक्खित्ते अंता बंधसंभवातो पढम ततिता । सम्मामिच्छत्ते तस्स वि य बंधा संभवातो मज्झ पडिसिद्धा ततिय चउत्था । सम्मत्ते गाणे आभिणिबोहिय-सुत-ओहिसु जो उवउत्तो मरति सो ण वद्धायूसो णियमा देवलोगं गंतुं मणुस्साउबंधी तेण वितितो णत्थि । अंतिल्लो जे मणुस्साउगं मणुस्सेसु बंधितुं तत्थ य चरिमो सो लब्भति । एतेसु ठाणेसु मणुस्सा जहा जीवपदायुगं तहेव, णवरं आभिणिबोहितादिसु कंठेसु । जो बद्धत्ते पढम ण भवति सम्मत्तलंभातो सो देवलोगगामि त्ति । ततो मणुस्सायू तेण वितितो पत्थि । देवा जहा असुरा । एवं आउयं सम्मत्तं । नाम गोत्तं अंतरायं जहा णाणावरणिजं । पंचवीसपदेसु एक्कक्के णेरइयादिसु 'जीवा य लेस्स पक्खित्त' गाहा । कंठा