Agam 05 Ang 05 Bhagvati Vyakhya Prajnapti Sutra Churni

Author(s): Sthaviracharya, Rupendrakumar Pagariya
Publisher: L D Indology Ahmedabad

Page 110

भगवतीचूर्णिः छेदोवट्ठावणियपरिहारिता तेसिं चेव मज्झिमाणं सामाइयमावकहितं, सुहुमाधाखाता सामण्णा । एत्थ य परिहारा छेदसुहमंतरिता सामायियसंजतस्स । छेदोवट्ठा-वणितो सामाइयसंजमपडिवत्ती । जहा उसभावच्चिज्जा । अजितसामिस्स परिहारितो गच्छं वा पुणो एति । सेसं कंठं।
सण्णातो चत्तारि णोसण्णा णाणसण्णा' सुहुमाधखाता णियमा णाणोवयुत्ते । तप्पहाणोवयोगतो भवग्गहणा दोण्ह जहण्णियाए अट्ठपरिहारादीण ज० ए० उ० ति आगरिसा । एक्केक्कस्स एगभवग्गहणिता णाणा भवग्गहणिया य चिंतिजंति । परिणामो सामाइयजोगो तहा जोग्गो तं पडुच्च जहण्णादिलंभो भाणितव्वो । एवं सव्वेसिं जहण्णो छेवीसपुहत्तं जाव सत्तावीसातो छेदमर्हति । परिओ ति, मुह० दो वारा वडति चडोत्तराए चत्तारि । अहक्खातो उवसामतो दो वारा एगभवग्गहणे जहण्णे खवगो एक्कं वा णाणभेदाणि दोण्णि ताव आऊ तेसिं भवग्गहणा। एक्कं एक्कभवे अण्णमति एक्कं एक्कभवे । एत्थ य जस्स जदि भवा तेसुं जो उक्कस्सागरिसा भणिता ते मेलेतव्वा भव्वेहिं । काले त्ति । प० जहण्णेण एगसमयं तं ठाणपत्तमरणपडुच्च सव्वेसिं एगसमतो सा० च्छे० अह० उक्कस्सेण अट्ठसातिरेगवासो पव्वजारिहो । तेहिं पुवकोडी ऊण । छ। परिहारियस्स ते च्चेव सातिरेका अट्ठा, तहा दिट्टिवादो एगूणवीस परितागस्स दिट्टिवादो वरिसो । एतेण ऊणा ऋसभकाले पुवकोडी सुहुमंतो मुत्तमेव । अहुणा बहुत्तेण सामाइयसंजमा महाविदेहे वि सव्वटुं । एवं अहक्खाया केवलिणो पडुच्च छेदस्स उस्सप्पिणीए ततियं समए आदितित्थकरस्स तित्थं अड्डातिजाणिवाससयाणि बितिय तित्थगरसामातितावकड्डिए लहति । उक्कस्सेण ऋसभसामितित्थं अजितसामि मिलति । एतेसु छेदावट्ठावणितो जहण्णुक्कस्सो लब्भति । बहुत्तेणं पण्णासं सागरोवमा कोडीसतसहस्सा परिहारितो अंतिल्लतोसप्पिणिआदिल्ल उसप्पिणि तित्थगरतित्थेसु । एगो तित्थगरमूलं, वितितो तस्स मूले दो वि वाससतिया एगूणतीसा वासेहिं ऊणगाणि दो वाससताणि कजंति सतं वा तत्तालं । एगं जहण्णं, उक्कोसेण उसभकाले दोच्चेव पुरिसजुगाणि, एतेहिं चेव वरिसेहिं पुव्वकोडितो ऊणातो परिहारियस्स च्छेदोवट्ठावणियाणं पुहत्तेणं । दुस्समदुस्समातो एगा दुस्समा उस्सप्पिणी एतो चेवहिँ उक्कस सहस्साउसु सु ४ सु ३ सु २ उस्सप्पिणि ओस्सप्पिणीसु अट्ठारस परिहा जहण्णेणं दु. दु. दु. दु. दु. दु. सव्वे वि चुलसीती।।
एत्थत तहेव तित्थगरपायमूले दो पुरिसजुगा उक्कोसेण तहेव उसभस्स, उसभस्स य छम्मासा अंतरालं खेत्तफुसणातो भावो य कंठो । परिमाणे अप्पबहुत्तं पुहत्ततुल्लतए विसेसो जहा पुव्ववण्णितो जहा ऊणाहितत्तेण तहेव दट्टव्यो । अंतिल्लप्प-बहुं । कंठं । सामाइया संजताणं । छ।