Agam 05 Ang 05 Bhagvati Vyakhya Prajnapti Sutra Churni

Author(s): Sthaviracharya, Rupendrakumar Pagariya
Publisher: L D Indology Ahmedabad

Page 90

भगवतीचूर्णिः
७९ वणस्सतिउद्देसतो पुढवितुल्लो । णवरं सट्ठाणे उववजमाणा अणंता भाणियव्वा ।२४।१६ । : ।छ।
एवं बेइंदिय उद्देसतो उहियाए मग्गणाए मग्गिऊणं उववायादिविसेसिए काउं उववजमाणस्स उववत्तिठाणस्स य जहण्णुक्कस्स ठाणं णाऊणं सव्वकायसंवेहा कातव्वा, जहा तेउक्काइया तहा उवातेतव्वा ।२४|१७||छ।।
तेइंदिया जहा बेइंदियाणं उववाते छ ।२४।१८। तहा चउरिंदियउद्देसतो वि छ ।२४।१९। एवं पंचिंदियतिरिक्खजोणियाणं भंते ! कतोहिंतो उववजंति ? एत्थ य समुच्छिमा असण्णीगब्भवक्कंतिया संखेजवासाऊ असंखेजवासाऊ य तिण्णि ठाणाणि घेप्पंति । नरगादिसु सत्त सत्तंसु वि उवट्टिऊणं उववजंति । तत्थइय उप्पण्णाणं जहण्णायु अंतोमुहुत्तं । उक्कस्सेणं पुव्वकोडी उववातो भणिओ । परिमाणपदे असंखेज्जा । एवं संघयणादिपदाणि णेरइयाणं जहासंभवं भाणियव्वा । आउं रतणाते उक्कस्सं जहण्णेणाउं नवेव णवसु ठाणेसु णिद्दिसेज्जा, जहा रयणप्पभा । एवं सत्त वि भाणियव्वातो । उहियं पुच्छिऊण उववायादिततो णिद्देसो । पुणो उहिय जहण्णो तत्थ वि उववातादिविसेसं काउ णिद्देसो । एवं एक्केक्के भंगे उद्देस-निद्देसा जावं तिण्णि गमको उक्कोसो उक्कोसेसु त्ति ।छ।।।
जइ तिरक्खजोणिया तिरक्खजोणिएहितो किं एगेंदियादिया जाव पंचिंदिय त्ति ? पुच्छा, सव्वेहिंतो वि एगेंदिएसु पुढविक्काइयादीहिं घणदंडयचउक्कादिभिन्नेहिं वि जाव वणस्सती तहा बेइंदियादीहिं चउरिंदियंतेहिं पजत्तापजत्तदभेदभिन्नेहिं य तहा पंचिंदिएहिं समुच्छिमासण्णीहिं पि गब्भवक्कंतिया य संखेजवासाउगा देवलोगगामिणो तेण उववति । जइ पुढविक्काइयाउतो तिरिक्ख पंचिंदिएसु जहण्णेणं अंतो० उक्कोसेणं पुव्वकोडीएसु णोअसंखेज्जवासाऊयेसु परिमाणं । जतो भायणं थोवं, ततो संखेजा जहण्ण उक्कस्सा जहण्णाजहण्णा ठिती णातूणं सव्वोवसंहारा भवादिया करेतव्वा । एवं जाव चउरिंदिया ताव उववातेतव्वा । पंचेंदियतिरियपुच्छा । ते य सण्णि-असण्णिणो दो दोविं उववति । असण्णी जहण्ण ठिती उववत्ती ठाणे बंधति । उक्कस्स ठितिं च असंखेजति पलितोवमभागं बंधति । जहा असण्णी पुढविक्काइय उववत्ती भणिया तहेवेत्थं पि । णवरं सम्मदरिसणे सासायणसम्मद्दिट्ठि संभवं पडुच्च णाणा लभंति । तहेसाणंपि । एत्थ य जस्स परमजहण्णा ठिती उववजमाणस्स सा अतीव सण्णिरुद्ध त्ति कट्ट, परममिच्छत्तोदया लब्भंति । सेस गमगेसु विसेसो कंठो । एवं असण्णी गता । जति सण्णिहिंतो दुविहा संखेज्जासंखेजाऊ तत्थ जहा पुढविक्काइएसु एते उववण्णा तहा पंचिंदियतिरिएसु वि एत्थ असंखेजाउणोववजंति त्ति कट्ट, एतेसिं जहण्णाउ अंतोमुहत्तं,
___Jain Education International 2010_04