Agam 05 Ang 05 Bhagvati Vyakhya Prajnapti Sutra Churni

Author(s): Sthaviracharya, Rupendrakumar Pagariya
Publisher: L D Indology Ahmedabad

Page 105

९४
भगवतीचूर्णिः एत्थप्प-बहुत्तं पुव्ववण्णितं कंठं । धम्माधम्मागासाणं रुयगमज्झावगाहिणो अट्ठपदेसा मज्झं जीवपदेसावगाहो णेतव्यो । एत्थ य संदिट्ठमेवप्प-बहुत्तं काला दो पोग्गलगतं । पंचवीसतिमे चउत्थो समत्तो ॥२५|४||छ।।
___ समय-आवलिया-आणापाणु-थोव-लव-हुत्त-दिवस-अहोरत्त-पक्ख-मास-उडु-अयणसंवच्छर-जुग-वास-सतवास-सहस्स-(दसस)हस्स-पुव्वंगपुव्व जाव सीसपहेलिता-पलितोवम-सागरोवमउस्सप्पिणि-पोग्गल-परियट्ट-तीतद्ध-अणागतद्धं । सव्वद्धातो ठावेतूणं मग्गिजंति । समतादिएहिं एत्थ एगा आवलिता । किं संखेज्जा समता असंखेजा समता अणंता समता ? पुच्छा । असंखेज्जा समता आदि अंता पडिअंता । एवं जाव उस्सप्पिणी पोग्गलपरियट्टो णियमा अणंतसामातियो तहा तीतद्धाणागतद्ध सव्वद्धातो वि, एगवयणेणं अणंतातो नियमा । एवं पुहत्तेण मग्गिजंति । आवलितातो किं संखेजा असंखेज्जा अणंता समता ? तत्थ संखेजयं णत्थि असंखेजगं वा, अहवा जातो पोग्गलपरियट्टादि अभंतरतो ततो अणंतातो । एवं सिय असंखेजातो सिय अणंतातो । एवं जाव पोग्गलपरियट्टो । पोग्गल परियट्टे णियमा अणंतातो तहाचरिमेसु । एवं आवलितातो आणापाणुआदिएसु एगत्त-पुहत्तेण पुच्छिजंति णिहिस्संति । तं जं जत्थ संखेज्जासंखेजाणंत गतं । कंठं । एगत्त-पुहत्तेण तव्वमणंतराणंतरंतुत्तरादिसु जाव अणागतद्धा किं संखेजातो तीतद्धातो त्ति ? । तत्थ बुद्धीए उदाहरणं-तीतद्धा दो समता, अणागतद्धा वि दो, वट्टमाणा समतो सो य अणागतद्धाए गणिज्जति । तेण तीतद्धातो अणागतद्धा समयाहितो तीतद्धा समयूणा जाता । तहा सव्वद्धाए सह तीतद्धा । तत्थ सव्वद्धा गहणेण तीताणागतद्धा ओहिता गहिता । बुद्धीए तीतद्धा उवरित्ताणं मग्गिजति । तत्थ सातिरेग दुगुणा कथं जाता ? वट्टमाणो समतो अवणीतो तत्थ तीतद्धाणागतद्धातो दो वि मेलितातो दुगुणाओ जातातो वट्टमाणरूवमहितं । अहुणाणागतसव्वद्धातो मग्गिजंति । कंठा सुत्ता । सव्वद्धाणं अणागतद्धातो जो सो वट्टमाणो समतो तेण रूवेण ऊणा दुगुणा तेण थोव्व सव्वदुगुणरूवा । सेसं कंठं । ॥छ।
पण्णवण-वेद-रागे-कप्प-चरित्त-पडिसेवणा-णाणे, तित्थे लिंग सरीरे खेत्ते काले गति संजम निकासे ॥१॥ जोगुवतोग कसाए लेस्सा परिणाम बंध वेदे य । कम्मोदीरण उवसंपजहण सण्णा य आहारे ॥२॥