Agam 05 Ang 05 Bhagvati Vyakhya Pragnapti Sutra Part 02 Shwetambar

Author(s): Purnachandrasagar
Publisher: Jainanand Pustakalay

Page 200

|पच्छा वीयीवएज्जा पुव्विं वीइव० पच्छा सत्थेणं अक्कभेज्जा ?, एवं एएणं अभिलावेणं जहा दसमसए आइड्ढी उद्देसए तहेव निरवसेसं |चत्तारि दंडगा भाणियव्वा जाव महड्ढिया वेमाणिणी अप्पडियाए वैमाणिणीए० । ५०७ । रयणप्पभापुढवीनेरइया णं भंते ! केरिसियं पोग्गलपरिणामं पच्चणुभवमाणा विहरंति ?, गोयमा ! अणि जाव अमणामं एवं जाव आहेसत्तमापुढवीनेरइया, एवं वेदणापरिणामं एवं जहा जीवाभिगमे बितिए नेरइयउद्देसए जाव अहेसत्तमापुढवीनेरइया णं भंते ! केरिसयं परिग्गहसन्नापरिणामं पच्चणुभवमाणा विहरंति ?, गोयमा ! अणि जाव अमणामी सेवं भंते! २ त्ति । ५०८ ॥ ० १४३० ३ ॥
(पोग्गल खंधे जीवे परमाणू सासए य चरमे य । दुविहे खलु परिणामे अजीवाणं च जीवाणं ॥ १ ॥ पा० ) एस णं भंते ! पोग्गले तीतमणंतं सासयं लुक्खी समयं अलुक्खी समयं लुक्खी वा अलुक्खी वा ?, पुव्विं च णं करणेणं अणेगवन्नं अणेगरूवं परिणाम परिणमति अह से परिणामे निज्जिन्ने भवति तओ पच्छा एगवन्ने एगरूवे सिया ?, हंता गोयमा ! एस णं पोग्गले तीते तं चेव जाव एगरूवे सिया, एस णं भंते ! पोग्गले पड्डुष्पन्नं सामयं समयं० ?, एवं चेव, एवं अणागयमणंतंपि, एस णं भंते ! खंधे तीतमनंतं० ?, एवं चेव खंधेऽवि जहा पोग्गले । ५०९। एस णं भंते ! जीवे तीतमणतं सासयं समयं दुक्खी समयं अदुक्खी समयं दुक्खी वा अदुक्खी वा पुव्वि |च करणेणं अणेगभावं अणेगभूयं परिणामं परिणमइ अह से वेयणिज्जे निज्जिने भवति तओ पच्छा एगभावे एगभूए सिया ?, हंता गोयमा ! एस णं जीवे जाव एगभूए सिया, एवं पडुप्पन्नं सासयं समयं, एवं अणागयमणंतं सासयं समयं । ५१० । परमाणुपोग्गले णं
॥ श्रीभगवती सूत्रं ॥
१८९
पू. सागरजी म. संशोधित