________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
वा ओसित्तं रयसा वा परिघासियं तहम्पगारं असणं वा पाणं वा खाइमं वा साइमं वा परहत्थंसि वा परपायंसि वा अफासुयं अणेसणिज्जंति मन्त्रमाणे लाभेऽवि संते नो पडिग्गाहिज्जा, से य आहच्च पडिग्गहिए सिया से तं आयाय एगंतमवक्कमिज्झा एगंतमवक्कमित्ता अहे आरामंसि वा अहे उवस्सयंसि वा अप्पंडे अप्पपाणे अप्पबीए अप्पहरिए अप्पोसे (अप्पुदए ) अप्पुतिं गपणगदगमट्टियमक्कडासंताणए विगिंचिय २ उम्मीसं विसोहिय २ तओ संजयामेव भुंजिज्ज वा पीइज्ज वा, जं च नो संचाइज्जा भुत्तए वा पायए वा से तमायाय एगंतमवक्कमिज्जा, अहे झामथंडिलंसि वा अद्विरासिंसि वा किट्टरासिंसि वा तुसरासिंसि वा गोमयरासिंसि वा अन्नयरंसि वा तहम्यागारंसि | थंडिलंसि पडिलेहिय पडिलेहिय पमज्जिय पमज्जिय तओ संजयामेव परिद्वविज्जा ॥ २२४ ॥ से भिक्खु वा भिक्खुणी वा गाहावइ . जाव पविट्ठे समाणे से जाओ पुण ओसहीओ जाणिजा कसिआणो सासियाओ अविदलकडाओ अतिरिच्छच्छिन्नाओ अवुच्छिण्णाओ तरुणियं वा छिवाडिं अणभिक्कंतऽभज्जियं पेहाए अफासुयं अणेसणिज्जंति मन्त्रमाणे लाभे संते ना पडिग्गाहिज्जा, से भिक्खू वा. जाव पविट्टे समाणे से जाओ पुण ओसहीओ जाणिज्जा अकसिणाओ असासियाओ विदलकडाओ तिरिच्छच्छिन्नाओ वुच्छिन्नाओ तरुणियं वा छिवाडिं अभिक्कतं भज्जियं पेहाए फासूयं एसणिज्जंति मन्त्रमाणे लाभे संते पडिग्गा हिज्जा ॥ २२५ ॥ से भिक्खु वा. जाव समाणे से जं पुण जाणिज्जा पिह्वयं । बहुरयं वा भुंजियं वा मंथुं वा चाउलं वा चाउलपलंबं वा सई संभज्जियं अफासुयं जाव नो पडिगाहिज्जा, से भिक्खू वा० जाव समाणे से जं पुण जाणिज्जा पिहयं वा जाव चाउलपलंबं वा असई भज्जियं दुक्खुत्तो वा तिक्खुत्तो वा भज्जियं फासूयं
॥ श्री आचाराङ्ग सूत्रं ॥
..
पू. सागरजी म. संशोधित
For Private And Personal Use Only
