________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
से भिक्खू वा० से जं पुण जाणिज्जा रसेसिणो बहवे पाणा घासेसणाए संथडे संनिवइए पेहाए तंजहाकुक्कुडजाइयं वा| सूयरजाइयं वा अग्गपिंडसि वा वायसा संथडा संनिवइया पेहाए सइ परक्कमे संजयामेव परक्कमेज्जा, नो उज्जुयं गच्छिज्जा । २५४। से भिक्खू वा २ जाव नो गाहावइकुलस्स वा दुवारसाहं अवलंविय २ चिट्ठिजा नो गा० दगच्छड्डणमत्तए चिट्ठिजा० नो गा० चंदणिज्यए चिद्विजा, नो गा० सिणाणस्स वा वच्चस्स वा संलोए सपडिदुवारे चिट्ठिज्जा नो० आलोयं वा थिगलं वा संधि वा दगभवणं वा बाहाओ पगिज्झिय २ अंगुलियाए वा उद्दिसिय २ उण्णमिय २ अवनमिय २ निज्झाइज्जा, नो गाहावई अंगुलियाए उद्दिसिय २ जाइज्जा० नो गा० अंगुलिए चालिय २ जाइज्जा० नो गा० अंतजिय २ जाइज्जा नो गा० अं० उक्खुलंपिय ( उक्खलुदिय)२ जाइज्जा, नो गाहावई वंदिय २ जाइज्जा, नो वयणं फरुसं वइज्जा । २५५। अह तत्थ कंचि भुंजमाणं पेहाए गाहावई वा जाव कम्मकरि वा से पुवामेव आलोइज्जा आउसोत्ति वा भइणित्ति वा दाहिसि मे इत्तो अन्नयरं भोयणजायं? से सेवं वयंतस्स पो हत्थं वा मत्तं वा दविं वा भायणं वा सीओदगवियडेण वा उसिणोदगवियडेण वा उच्छोलिज्ज वा पहोइन वा, से पुवामेव आलोइज्जा आउसोनि वा भइणित्ति वा, मा एयं तुम हत्थं वा० ४ सीओदगवियडेण वा २ उच्छोलेहि वा २, अभिकंखसि मे दाउं एवमेव दलयाहि से सेवं वयंतस्स परो हत्थं वा ४ सीओ उसि० उच्छोलित्ता पहोइत्ता आहट्ट दलइना, तहप्पगारेणं पुरेकम्मकएणं हत्थेणं वा ४ असणं वा ४ अफासुयं जाव नो पडिगाहिज्जा, अह पुण एवं जाणिज्जा नो पुरेकम्मकएणं०, उदउल्लेणं तहप्यगारेणं वा उदउल्लेण वा हत्थेण वा ४ ॥श्रीआचाराङ्ग सूत्र
| पू. सागरजी म. संशोधित
For Private And Personal Use Only
