Vitrag Stotra

Author(s): Rajshekharsuri, Dharmshekharvijay
Publisher: Arihant Aradhak Trust

Page 3

સંપાદકીય
પ્રસ્તુત સ્તોત્રમાં વીતરાગદેવના ગુણોની સ્તવના હોવાથી એનું વીતરાગ સ્તોત્ર નામ યથાર્થ છે. કલિકાલ સર્વજ્ઞ પ.પૂ.આચાર્ય શ્રી હેમચંદ્રસૂરીશ્વરજી મહારાજાએ અરિહંતના પરમભક્ત ગુર્જર દેશાધિપતિ શ્રી કુમારપાળ મહારાજાની પ્રાર્થનાથી આ સ્તોત્રની રચના કરેલી છે. તેમાં કુલ ૨૦ પ્રકાશ છે. દેવાધિદેવ સમક્ષ ચૈત્યવંદન કે સ્તુતિરૂપે આ સ્તોત્ર ચતુર્વિધ સંઘમાં બોલાય છે. સંસ્કૃત ભાષાનો અજાણ વર્ગ આનો અર્થ સમજી શકે એ માટે પરમ પૂજ્ય આચાર્ય ભગવંત શ્રીમદ્ વિજય રાજશેખરસૂરીશ્વરજી મહારાજ સાહેબે સાન્વય શબ્દાર્થ સહિત શ્રી પ્રભાનંદસૂરિ કૃત દુર્ગપદ પ્રકાશ’ વિવરણનો ભાવાનુવાદ પણ કર્યો છે. અનેક સ્થળે વિશેષ બોધ થાય એ માટે ટીપ્પણીઓ પણ કરી છે.
આઠમા પ્રકાશના વિવરણનો અનુવાદ વિસ્તારથી હોવાથી અહીં માત્ર ભાવાર્થ લેવામાં આવ્યો છે.
ઘણી પાઠશાળાઓના અભ્યાસક્રમમાં વીતરાગ સ્તોત્રનો પણ સમાવેશ કરવામાં આવ્યો છે. પાઠશાળાના વિદ્યાર્થીઓ વીતરાગ સ્તોત્રનો વ્યવસ્થિત અભ્યાસ કરી શકે એવું પુસ્તક તૈયાર થાય તો ઉપકારી બને એવી ભાવનાને લક્ષમાં રાખી આ પુસ્તકનું સંપાદન કરવામાં આવ્યું છે.
પ્રાંતે સૌ કોઇ અભ્યાસી આ પુસ્તકનું ચિંતન મનન કરવા પૂર્વક અભ્યાસ કરી આત્મકલ્યાણ સાધે એવી શુભાભિલાષા...
મુનિ ધર્મશેખર વિજયજી