Vasudevhindi Part 1

Author(s): Sanghdas Gani, Chaturvijay, Punyavijay
Publisher: Atmanand Jain Sabha

Page 60

धणसिरीए दृढपइश्वयया ] धणसिरीणायं । परं हरिसमुवगतो।चिंतियं च णेणं-किमेएणं गुणाइसयभूएण पुरिसेण आरामे अच्छंतेण ?. वरं मे औ(अ)वारीए अच्छउ त्ति । ततो एहविय-पसाहिओ दिण्णवत्थजुयलो ठवितो आवणे । ततो तेण आय-वयकुसलेणं गंधजुत्तिनिउणत्तणेणं पुरजणो उम्मत्तिं गाहितो । ततो पुच्छितो जणेणं-किं ते नामधेयं ? । पभणइ य–विणीयओ' त्ति मे नामधेयं । एवं सो विणीयओ विणयसंपन्नो सबनयरस्स वीससणिज्जो जातो । ततो तेण सत्थवाहेण चिंतियं-5 न खमं मे एस आवणे य अच्छंतो. मा एस रायसंविदितो (ग्रंथानम्-१३००) हवेज, ततो रायणा हीरइ त्ति. वरमेस गिहे भंडारसालाए अच्छंतो । ततो तेण सगिहं नेऊण परियणं च सद्दावेऊण भणियं-एस वो विणीयओ जं देइ तं भे पडिच्छियवं, न य से आणा कोवेयव त्ति । ततो सो विणीयओ घरे अच्छइ, विसेसओ य धणसिरीए जं चेडीकम्म तं सयमेव करेइ । ततो धणसिरीए विणीयको सबवीसंभट्ठाणितो जातो। 10 ___ तत्थ य नयरे रायसेवी एक्को य डिंडी परिवसइ । इओ य सा धणसिरी पुवावरण्हसमए सत्ततले पासाए अट्टालगवरगया सह विणीयगेणं तंबोलं समाणयंती अच्छइ । सो य डिंडी व्हाय-समालद्धो तस्स भवणस्स आसण्णेण गच्छति । धणसिरीए तंबोलं निच्छूढं पडियं डिंडिस्सुवरि । डिंडिणा निज्झाइया य, दिट्ठा य णेणं देवयभूया । ततो सो अणंगबाणसोसियसरीरो तीए समागमुस्सुओ संवुत्तो।चिंतियं च णेणं-एस विणीयओ एएसिं 15 सबप्पवेसी, एयं उर्वतप्पामि. एयस्स पसातेणं एतीए सह समागमो भविस्सइ त्ति । ___ ततो अण्णया तेण विणीयगो नियगभवणं नीओ। पूया-सक्कारं च काउं पायपडिएण विण्णविओ-तहा चेट्ठसु, जेण मे धणसिंरीए सह संजोगं करेसि त्ति । ततो सो ‘एवं होउ' त्ति वोत्तूण धणसिरीते सगासं गतो। पत्थावं च जाणिऊण भणिया णेणं धणसिरी डिंडियवयणं । ततो तीए रोसवसगयाए भणिओ-केवलं तुमे चेव एवं संलत्तं, अण्णो 20 ममं न जीवंतो त्ति। ततो सो बिइयदिवसे निग्गतो, दिट्ठो य डिंडिणा। भणितो णेणं-किं भो वयंस! कयं कजं? ति । ततो तेण तवयणं गूहमाणेणं भणियं-घत्तीहं ति । तओ पुणरवि तेण दाण-माणेणं संगहियं करेत्ता विसजिओ। ततो सो आगंतूण धणसिरीए पुरतो विमणो तुण्हिक्को द्वितो अच्छति । ततो तीए धणसिरीए तस्स मणोगयं जाणिऊण भणि
ओ-किं ते पुणो डिंडी किंचि भणइ ? । तेण भणियं-आमं ति । तीए निवारितो-न ते 25 पुणो तस्स दरिसणं दायचं ।पुणो य पुच्छिन्नमाणो तहेव तुहिको अच्छइ । ततो तीए तस्स चित्तरक्खं करेंतीए भणिओ-वच्च, देहि से संदेसं, जहा-असोगवणियाए तुमे अज
१°मेवंगुणा उ २ विना ॥ २ आवणे अच्छ° ली ३ ॥ ३ यं सच्चो विणी उ २ विना ॥ ४ मोसुओ शां० ।। ५ णिय उ२ विना । एवमग्रेऽपि क्वचित् कचित् ॥ ६ ली ३ विनाऽन्यत्र-वसप्पा उ २ कसं० मोसं०॥ ७ सिरिए उ २ विना । एवमग्रेऽपि कचित् कचित् ॥ ८ °यमंतरेण । ततो ली ३ उ २॥ ९ °णो तु° उ २ विना॥
* अवारीए आपणे इत्यर्थः । तथाहि-“आवणे अवारो अवारी अ" देशीनाममाला १-१२॥