Vasudevhindi Part 1

Author(s): Sanghdas Gani, Chaturvijay, Punyavijay
Publisher: Atmanand Jain Sabha

Page 154

अत्तकहा ] तइओ गंधवदत्तालभो।
१४५ कयनिच्छओ य सह माउलेण दिग्गओ नयराओ पायचारेणं बहुं चिंतयंतो वेसवासदोससंबद्धं । पत्ता मो उसीरावत्तमंतिमासणं गाम । तस्स बहिं ठविओ मि माउलेण । अतिगतो य सो गामं, कस्सय कालस्स निग्गतो पुरिसेण अब्भंगणा-ऽऽच्छादणा-लंकारवत्थहत्थेणाणुगम्ममाणो । ततो पहायो मि नदीये, कयपणामो लोगुत्तमाणं जिणाणं । अइगया मो गामं, पस्सामि य कम्मंतवावारे गामे पउट्ठिए य देस-कालनिवेसे विपणीए 5 उववणेण नयरमिव सो गामो लक्खिजति । पविट्ठा य मो एग विभत्तरच्छंतरं गेहं । विसमावकासे कयपायसोया भोयणत्थाणे गामवाससुलभं भोयणं गोरसबहुलं भुत्ता मो । रत्तिं च चिंतापरो तत्थ वुत्थो, खयं गया य संवरी । भणिओ मि माउलेण-चारुसामि! इमो दिसासंवाहो गामो ककुहभूओ जणवयस्स. विसिट्ठो य ववहारो इहं ववहरिजउ. इहं च ते तायस्स कम्मतसम्बद्धा अस्थि कुडुम्बिणो, जेहिंतो सक्का हिरणं घेत्तुं ति । मया पडि- 10 वनं-एवं होउ त्ति । ततो अंगुलेयगकीएण भंडेण तत्थ ववहरंतो बहुमओ मि जाओ जणस्स गामवासिणो । उवछुभति भंडं माउलो सबविदेससंठियं सुत्तं रूओ य । अण्णया य विगाढे पंओसे मूसगेण वत्ती हरतेण रुओ पलीविओ। कहंचि निग्गओ मि आवणाओ । बहूदड्डा य आवणा परित्ताइयं जणेण जं सावसेसं । पभाए समासासिओ मि गामेयगेहिं । पुणो क्वहरतेण संपिंडियं सुत्तं रूओ य, भरियाणि सगडाणि, गया मो सत्थेण 15 समं उकलविसयं, तत्थ गहिओ कप्पासो, भरियाणि सगडाणि, पत्थिया मो तामलित्तिं, कमेण पविट्ठा मो अडविं, संठिओ य सत्थो गहणासण्णपएसे, अइवाहियबलेण वीसत्थो जणो । सूरत्थमणे य ओवइया तकरा, उद्धंताणि अणेहिं सिंगाणि, आया पडहा, मुहुत्तं धरिया अइवाहिएहिं, विहग्गा य सह सत्थिएहिं, पुणो य विकाले पलीवियाणि सगडाणि, विलुपंति भंडाणि चोरा । तम्मि य संभमे अहं गहणमतिगओ सबटुं न पस्सामि । वंसलयाए 20 अंधकारस्स धूमेण पच्छाइयासु य दिसासु वग्घगुंजियसद्दपरिभूओ य अवकंतो ततो पदेसाओ । दवम्गिणा परिवड्डमाणेण य भयदुयकप्पडियसहायो य किच्छेण अइच्छिओ अडविं। न जाणं पुण 'कहिं गतो सबट्ठो?" त्ति । चिंतियं च मया-न सक्का अपरिचएणं गिहं दटुं, उच्छाहे सिरी वसति, दरिदो य मयसमो, सयणपरिभूओ य धी जीवियं जीवइ, सेय चिहिउं ति । जणवयाओ जणवयं संकम्मतो कमेण पत्तो पियंगपट्टणं । हाओ य अतीओ 25 वीहिं पस्समाणो आभट्ठो वणिएणं मज्झिमे वए वट्टमाणेणं सोमदसणेणं-भो इन्भपुत्त! चारुदत्तो भवसि तुमं ? ति । मया भणिओ-आमं, होमि त्ति। ततो परितुढेण भणिओ-आरुहसु आवणं ति । आरूढो मि आवणं, अवतासिओ गेण अंसूणि मुयमाणेण । निसण्णो आवणे। भणइ य ममं वणिओ-अहं चारुसामि! सुरिंददत्तो नाम नावासंजत्तओ तुम्हं
१०वरिया। म° शां० विना ॥ २ पदेसे शां० विना ॥ ३ रूवो प° शां. विना ॥ ४ उकूल शां. विना ॥ ५ समए अ° शां० ॥ ६ रिभीओ शां० ॥ ७ का प° शां० ॥ ८ सेउं चि° शां० विना ।। ९ रुदत्तसामि ! रुद्ददत्तो उ १० विना ॥
व. हिं० १९