Vasudevhindi Part 1

Author(s): Sanghdas Gani, Chaturvijay, Punyavijay
Publisher: Atmanand Jain Sabha

Page 159

वसुदेवहिंडीए [ अमिअगतिसेसपरिचओ पवयं, जओ समो भूमिभागो तओ पवजिस्सं । ततो कयववसाओ दुरुहिउमारद्धो पक्वयं, साहामिगो इव हत्थ-पाएहिं लग्गमाणो कहंचि पत्तो सिहरतलं ।
निज्झायमाणेण य मया दिढ सेयं वत्थं चलंतं मारुएण । चिंतियं च मया-कस्सेयं वत्थं होज ? त्ति । निवण्णयंतस्स य मे उवागया सण्णा-एस साहू एक्कपादो ऊसवियबाहू 5 आयावयंतो चिट्ठइ त्ति । चिंतियं च मया-सफलो मे पुरिसयारो साहुदसणेण जातो त्ति। परितुट्ठो पत्तो मि साहुसमीवं, निसीहियं काऊण तिगुणपयाहिणापुवं वंदिऊण संठिओ मि से अभिमुहो पसंसंतो हियएण-अहो!!! कयत्थो जोगपट्टिओ त्ति । सो मं चिरं निज्झाइऊण भणति—सावय ! तुमं चारुसामी इब्भस्स भाणुणो पुत्तो होजासि ? त्ति ।
मया भणिओ-भयवं! होमि त्ति । ततो भयवया भणियं-कहं सि इह आगओ ? ति । 10 ततो से मया गणियाघरपवेसादी पबयारहणपजंतं सवं परिकहियं । ततो साहुणा समत्तनियमेण आसीणेण भणियं-ममं जाणेह ?, अहं अमियगई, जो तुन्भेहिं मोइओ मरणाओ त्ति । मया भणियं-भगवं! किं ते पच्छा कयं ?, कहेह मे । ततो मे कह्यतिअमियगतिणो अवसेसो परिचओ
अहं तुम्ह सयासाओ उप्पइओ, आवाहिया य विजा, कहियं च मे तीए-वेयड्डप15 बए कंचणगुहाए ते पिया अरीहिं समं अच्छए। ततो गओ मि कंचणगुहं । दिट्ठा
मया सुकुमालिया मिलाइमाणी इव पुप्फमालिया दुक्खसमुद्दमवइण्णा । वेयालविजाए मम सरीरं मयं दंसेऊण भणइ-एसो ते भत्ता अमियगई, ममं भजसु त्ति, अहव जलंतं पावयं पविससु त्ति । सा भणइ-अणुसरामि भत्तारं अमियगतिं ति । तेहिं महंतो
कओ कट्ठरासी, दिण्णो पावगो, सवं पक्खित्तं, पिया सवं परिसजिऊण निसण्णा । 20 तंसि वेलाय अहं पत्तो, मया य हुंकारियं, पलाया ते, उक्खित्ता पिया चितगाओ,
विम्हयं गया 'अहं जीवामि'त्ति । ततो मया ते निद्धाडिया पविट्ठा महण्णवं । ततो हं नियत्तो गतो पिउसमीवं, कहियं तायस्स । ततो पिउणा मे धूमसिहो णिकायवुड्डेहिं असंभासो कारिओ विज्जाहराणं । एवं अहं अच्छामि।
अण्णया य मे पिउणा विजाहररायसुया मणोरमा नाम कण्णा आणीया । कयपाणि25 ग्गहो हं भजाहिं सह रमामि । तओ य मइ रजधुरं निसरिऊण हिरण्णकुंभ-सुवण्णकुंभचारणसमणाणं समीवे पव्वइओ णिसंग्गो तवरओ विहरति । ममं च सीहजसवराहगीवा दुवे पुत्ता जाया, दारिया गंधव्वदत्ता । अहमवि सीहजसस्स रजं दाऊण सुयपिउपरिणेव्वाणो पव्वइओ तेसिं चेव समीवे चारणसमणाणं । अहिगयसुत्तो अहं
कंठयदीवे कंकोडयपवए आयावयामि, रत्तितेण गुहाए परिवसामि । 30 तं सुटु जं सि भद्दमुह ! इह मिलिओ मया सह । इयाणिं ण ते किंचि परिहाहिति ।
१पव्वयं, आरूढो य जइ समं भूमिभागं पव° शां० विना ॥ २ गो व्व ह° शां० विना ॥ ३ रीरगं पदं० शां० ॥ ४ ते धाडि शां० विना ॥