Vasudevhindi Part 1

Book Title: Vasudevhindi Part 1
Author(s): Sanghdas Gani, Chaturvijay, Punyavijay
Publisher: Atmanand Jain Sabha

View full book textPrevious | Next

Page 192
________________

आरियवेदुप्पत्ती] पंचमो सोमसिरिलंभो।
१८३ आरियवेयउप्पत्ती ___ इह किल भरहे मिहुणकुमुदचंदा कुलगरा आसि विमलवाहणादि सत्त । सत्तमस्स नाभिस्स मरुदेवा य भारिया, उसभो नाम तिहुयणगुरू इक्खागवंसतिलओ पुत्तो आसी। सो य किर जायमेत्तो चेव मेरुसिहरे सुरेहिं तित्थयराभिसेएण अहिसित्तो । विवड्डमाणो य कलाविहाणाणि सिप्पसयं पयाहिओ उवइसित्ता, रायधम्मं पवत्तेऊण, वीसं सयसहस्साणि 5 पुवाणं कुमारवासमज्झाऽऽवसिऊणं, तेवहिं पुवसयसहस्साणि रायसिरिमणुभविऊण, पुत्तसयस जणवयंसतं विभजिऊण चउहिं खत्तियसहस्सेहिं सह निक्खंतो । वाससहस्सेण य पुरिमताले उप्पाइयकेवलणाणो भरहसुयं उसभसेणं पढमगणहरं ठवेऊण, बंभी य भरहभगिणी पवत्तिणीपए, ततो भविए विबोहेमाणो सरदकाले रवी विव कमलायरे विहरति वसुहं निरुवसग्गं ।
10 भरहो य भयवओ उसभस्स पढमसुओ । तस्स सामिणो केवलुप्पत्तिदिवसे रयणाणि चक्कादीणि समुप्पण्णाणि । उप्पण्णरयणेण य सट्ठीए वाससहस्सेहिं भरहमोयवियं । ततो विणीयाए महारायाभिसेयं पत्तो । भयवं च उसहसिरी चउरासीतीए रिसिसहस्सेहिं तीहि य अज्जासयसहस्सेहिं सहिओ विणीयाए नयरीए समोसरिओ । ततो भरहेण रण्णा तिन्नि सट्ठाणि सूयसयाणि संदिवाणि-जाव भयवं तित्थयरं वंदिमो जामि 15 ताव साहुजोग्गं विविहं भत्त-पाणं उवट्ठावेजाह त्ति । पत्तो य भरहो भयवंतं परमगुरुं वंदिऊण उवासए । सक्कादओ य देवा उवागया । तदंतरे उवट्ठिया महाणसाहिगया-सामि ! आणीयं भोयणं ति । ततो भरहो वंदिऊण विण्णवेइ-तात ! गिण्हंतु साहवो साहुणीओ य भत्त-पाणं ति । उसभसामिणा भणियं-भरह ! साहुनिमित्तं भत्त-पाणं एत्थेव आणीयं रायपिंडो य पीडाकरं वयाणं, न कप्पइ जईणं । एवं भयवया भणिए 'तातेहिं 20 अहं सबहा परिचत्तो'त्ति चिंतेऊण विसण्णो ठितो । सकेण य देवराइणा तस्स चित्तपसायणनिमित्तं भयवं पुच्छिओ-कतिविहो उग्गहो ? त्ति।सामिणा भणिओ-सक्क! पंचविहो उग्गहो-देविंदोग्गहो राउग्गहो गहवइउग्गहो सागारिउग्गहो साहम्मिउग्गहो । ततो भणति देवराया-भयवं! भरहे अहं पभवामि गं ? ति । भयवया भणियं-चक्कवट्टिभोयकाले न पभवति इंदो, चक्कवट्टिविरहे पुण पभवइ त्ति । ताहे भणति-जया अहं पभविस्सं 25 तया मए अणुण्णाओ उग्गहो साहूणं-दवओ जं दवं उवउज्जइ, खेत्तओ पुण जाव लोयंतो, कालओ दो सागरोवमाइं, भावओ वि सुहमा विसेसा । ततो भरहेण चिंतियं-सको जया पभविस्सइ तदाऽणुजाणिहित्ति. अहं पिताव पुच्छामि उढेऊणं । वंदिऊणं पियरं पुच्छति–ताय ! अहं पभवामि भरहे वासे कित्तियस्स ?त्ति । सामिणा भणिओ-भरह ! तुमं पभवसि सयलस्स भरहविजयस्स. तवाऽणुमए भरहे पवावेमि मणुए. अणुजाणतो तुमं विपुलेणं 30 णिज्जराफलेणं संजुन्जिहिसि. जया अचित्तं दवं समणाणं उवओगे वच्चति तस्स तुम सामी।
१°यस्स सतं ली ३ शां० विना ॥२°स्सेण सह शां० ॥
Jain Education International
For Private & Personal Use Only
www.jainelibrary.org


Page Navigation
1 ... 190 191 192 193 194 195 196 197 198 199 200 201 202 203 204 205 206 207 208 209 210