Vasudevhindi Part 1

Author(s): Sanghdas Gani, Chaturvijay, Punyavijay
Publisher: Atmanand Jain Sabha

Page 197

१८८ वसुदेवहिंडीए
[अणारियएक्कपोग्गलपइट्ठियविसरियनिसित व पसण्ण दिट्ठी । देवीहि य 'अहो ! अच्छरियं, सामी जं जंगमपवरो होइऊण थावरो सि जाओ, सुहोइएण य तए कहं सी-उण्ह-वरिसनिवार्य सहियं ?' करुणं भयंतीहिं वंदिओ। तओ य णाहिं वल्लीओ वेल्लिया। बंभीए सरस्सईए व
पञ्चक्खेणं भणिओ-जेट्टज ! ताओ आणवेइ-न मायंगाभिरूढस्स केवलनाणसंपत्ती हवइ. 5 गम्मउ तित्थयरसमीवं । तं च से वयणं अमयमिव सुइपहमुवगयं विसुज्झमाणलेसस्स । 'दुहु कयं, जं तिलोगगुरुपादमूलं न गओ' चिंतयंतो अपुबकरणं पविट्ठो । चलियमोहावरणंतराएण य पादो चालिओ, उप्पण्णं च से केवलं, ताहिं वंदिओ। अहासण्णिएहि य देवयएहिं मुक्काओ पुप्फवुट्ठीओ, थोउं च सुतिमहुरं पवत्ता । सो वि बाहुबली सवण्णू
गतो भयवतो उसभसिरिसमीवं, अइगओ केवलिपरिसं । बंभी वि सपरिवारा गया 10 तित्थयरपादमूलं साहियकज्जा ।।
__ कयाई च आइच्चजसेण रण्णा सोमप्पभेण य कओ समवाओ-अम्ह रायाणो भिच्चा, जइ तेसिं धूयाओ दाहामो तओ गविया भविस्संति. अम्हं दुवे कुलाणि प्पभवंतु, परोप्परं च कण्णादाणं तओ सोहणं भविस्सइ त्ति । बाहुबलिवंसे य अंजिय-जय-संजय
विजय-वेजयंत-संख-मेहरह-समबिंदु-धुंधुमारअतीतेसैं असंखेजेसु, सणंकुमार-संति15 कुंथु-अर-सुभोमेसु य चक्कवट्टीसु अतीतेसु, भवसिद्धीयनरवईसु य, पगासे बाहुबलीवंसे तिणपिंगू नाम राया आसि; तस्स अहं भगिणी। तस्स पुण तव पिउणो अयोधणस्स भगिणी सच्चजसा नाम महादेवी, तीसे पुत्तो महुपिंगलो नाम राया ।
तं पुत्त! एवं काले अतिच्छिए भरह-बाहुबलीवंसगामिणीओ कण्णाओ आसि. 'तुमं भरहस्स पढमचकवट्टिणो वंसे जाया, ण जाणामि कं रूवमोहिया वरइस्ससि' त्ति मे रुण्णं । 20 ततो सुलसाए भणिया दितिदेवी-अम्मो! न ममाओ.कुलधम्मो विणस्सिहिति. अहं महुपिंगलं चेव रायमज्झे वरइस्सं ति ॥ ___ एवं सोऊण मंदोदरी 'एस से परमत्थो' त्ति चिंतेऊण थोवंतरे समोसरिऊण देवीसमीवमुवगया । दितीए सभवणमइणेऊणं पूइया विसज्जिया य । सगरस्स णाए कहियंनिम्माओ देव! सयंवरो त्ति। तेण पुच्छियं-कहं ? ति। तीए जहासुयं कहियं ति। केरिसी 25 सा दारिय?' त्ति पुच्छिया साहति-तिलोयसुंदरि त्ति, न सक्का तीसे एक्काए जिभाए रूवसिरिं वण्णेउं. सिरी जइ तारिसी 'कयत्थ' त्ति तकेमि, सुरवहूणं पि विम्हयजणणी । जह जह य वण्णेइ मंदोदरी सुलसारूवातिसयं तह तह सगरो मदणबाणभायणं जातो ।
विस्सभूइयस्स गेण विरहितेहिं कहियं-सुलसा कण्णा जइ मम न होहिति भारिया किं मे रजेण रायभावेण य?, किं च मे जीविएण ? भग्गमणोरहो त्ति. तं चिंतेहिं, कहं मम 30 सा हत्थांसं पावेज ? त्ति. विक्कमेण ? उवादेण ? त्ति । तेण भणिओ-सुण राय!, जइ बला हरसि कण्णं तो बज्झो भविस्ससि रायसेण्णस्स. उवायं तहा ह चिंतेमि जहा तुमं
१संकेओ ली ३ ॥२ °दाणं भवि कसं० शां० विना ॥ ३ अजियजस-जय-विजय ली ३ संसं० ॥ ४ सु संखे शां० विना ॥ ५त्ति तओ मे ली ३ ॥ ६ °सं भविज्ज इत्ति शां०॥