Vasudevhindi Part 1

Author(s): Sanghdas Gani, Chaturvijay, Punyavijay
Publisher: Atmanand Jain Sabha

Page 179

१७०
वसुदेवहिंडीए [सिजंसक्खायं उसभसामिसदहंतो सुसीलयाए तहेव पडिवजति । कयाइं च नगरस्स नाइदूरे तहारूवस्स साहुणो केवलनाणुपत्तीमहिमं काउं देवा उवागया । तं च उवलभिऊणं सुबुद्धिणा खत्तियकुमारेण रण्णो निवेदितं हरिचंदस्स । सो वि देवाऽऽगमणविम्हइओ जयणतुरगारूढो गतो साहुसमीवं, वंदिऊण य विणएण निसण्णो सुणइ केवलिमुहुग्गयं वयणामयं । संसारकहं 5 मोक्खसुहं च से सोऊण 'अत्थि परभवसंकमोत्ति निस्संकियं जायं । ततो पुच्छइ कुरु
चंदो राया-मम पिया भयवं! कं गइं गतो? त्ति । ततो से भयवया कहियं विवरीयविसउवलंभणं सत्तमपुढवीनेरइयत्तं च-हरिचंद! तव पिया अणिवारियपावाऽऽसवो बहूणं सत्ताणं पीडाकारी पावकम्मगुरुत्ताए णं णरगं गतो. तत्थ परमदुबिसहं निरुवमनिप्पडियारं निरंतरं सुणमाणस्स वि सचेयणस्स भयजणगं दुक्खमणुभवति । तं च तहाविहं 10 केवलिणा कहियं पिउणो कम्मविवागं सोऊणं संसारभीरू हरिचंदो राया वंदिऊण पर
मरिसिं सनयरँमइगतो। पुत्तस्स रायसिरिं समप्पिऊण सुबुद्धिं संदिसति-तुम मम सुयस्स उवएसं करेजासि त्ति । तेण विण्णविओ-सामि! जदि अहं केवलिणो वयणं सोऊण सह तुब्भेहिं न करेमि तवं तो मे न सुयं. जो पुण 'उवएसो दायबो' त्ति संदिसह तं
मम पुत्तो सामिणो कहेहि त्ति । राया पुत्तं संदिसइ-तुमे सुबुद्धिसुयसंदेसो कायवो 15 धम्माधिकारे त्ति । तुरियं निग्गओ सीहो व पलित्तगिरिकंदराओ, पवइओ केवलिसमीवे
सह सुबुद्धिणा, परमसंविग्गो सज्झायपसत्थचिंतणपरो परिखवियकिलेसजालो समुप्पण्णनाणांतिसओ परिनिव्वुओ त्ति । सुणिमो-तस्स य हरिचंदस्स रायरिसिणो वंसे संखातीतेसु नरवईसु धम्मपरायणेसु समतीतेसु तुम्भे संपदं सामिणो, अहं पुण सुबुद्धिवंसे। तं एस अम्ह नियोगो बहुँपुरिसपरंपरागतो धम्मदेसणाहिगारो॥ 20 जं पुण त्थ मया अयंडे विण्ण विया तं कारणं सुणह-अज्ज अहं नंदणवणे गओ
आसि, तत्थ मया दिट्ठा दुवे चारणसमणा आइच्चजसो अमियतेओ य. ते मया वंदिऊण पुच्छिया-भयवं! महाबलस्स रण्णो केवइयं आउं धरइ ? त्ति. तेहिं निदिहोमासो सेसो. ततो संभंतो मि आगतो. एस परमत्थो. ततो जं जाणह सेयं ति तं
कीरउ अकालहीणं । ताणि य उवसमवयणाणि सयंबुद्धकहियाणि सोऊण अहं धम्माभि25 मुहो आउपरिक्खयसुतीय आममट्टियाभायणमिव सलिलपूरिजमाणमवसण्णहियओ भीओ
सहसा उहिउ कयंजली सयंबुद्धं सरणमुवागतो-वयंस ! किमियाणि मासावसेसजीवी करिस्सं परलोगहियं ? ति । तेण म्हि समासासिओ-सामि! 'दिवसो वि बहुओ परिचत्तसवसावजजोगस्स, किमंग पुणो मासो ? । तओ तस्स वयणेण पुत्तसंकामियपयापालणवावारो ठिओ मि सिद्धाययणे कयभत्तपरिचाओ संथारगसमणो सयंबुद्धोपदिट्ठजिण30 महिमासंपायणसुमणसो अणिञ्चयं संसारदुहं पाउवगमणं च वेरग्गजणियाणि सुणमाणो कालगतो इह जातो। एवं थोवो मे तवो चिण्णो त्ति ॥
१°णुप्पायम शां०॥ २ जवीण शां०॥ ३°लहणं शां० ॥ ४ रमुवगक ३॥ ५ काहे शां० ।। ६ कारि त्ति शां० विना॥७°णाइसेसो प० शां०॥ हवंसपरं शां० विना ।।